මලබද්ද හා රෝග රැසකට කෙසෙල් මුව කෑමෙන් අත්වෙන වාසි මෙන්න ඔබත් අනිවාරයෙන් මේ ලිපිය කියවන්න.
* ඔසප් චක්ර ය ක්රයමවත් කරයි.
* කිරිදෙන මව්වරුන්ට හ දියවැඩියා රෝගීන්ට ගුණ ගෙන දේ.
* රක්තහීනතාවයට සහනය දේ.
* වකුගඩු වල ක්රිදයාවලියට උපකාරී වේ.
* මලබද්දයට සහනය දේ.
* උදරයේ තුවාල වලට සහනය දේ.
* ගර්භාෂය ශක්තිමත් කරයි.
* අධික රුධීර පීඩනයට සහනය දේ
කෙසෙල්මුව කරිය සෑදීමේ ක්රමය:
භාජනයක් ගෙන තෙල් මේහැඳි 2කක් එකතු කරන්න. අබ ඇට ටිකක් දමා පුපුරන කම් තියන්න. කපා ගත් ළුනු හා මිරිස් එකතු කර ටිකක් බැද ගන්න. කපා ගත් කෙසෙල්මුව එකතු කරන්න. ඔබ කැමති ආකාරයට කුළුබඩු හා ලුණු එකතු කරන්න. වතුර ටිකක් දමා භාජනයේ මූඩිය වසන්න. පසුව ගා ගත් පොල් එකතු කරන්න. දැන් ඔබේ කරිය කෑමට සූදානම්.අතර්ජාලයෙන් උපුටා ගැනීමකි
කුරුඳු තෙල් හා සේර තෙල් භාවිතා කර මැසි මදුරු කරදරෙන් දැන්ම නිදහස් වෙන්න.
මද රස්නෙ වතුරට කුරුඳු තෙල් හෝ සේර තෙල් ස්වල්පයක් මිශ්ර කරලා ඒ වතුර ස්ප්‍රේ කරන්න පුලුවන් බෝතලයක් ආධාරයෙන් මැස්සන් ගැවසෙන ස්ථාන වලට ස්ප්‍රේ කරන්න. කුරුඳු හෝ සේර සුවඳට මැස්සන් ඒම වළකිනවා. මේ තෙල් වර්ග සිංහල බෙහෙත් කඩවලින් හෝ සුපිරි වෙලඳ සැල් වලින් පහසුවෙන් ලබා ගන්න පුළුවන්.
අතර්ජාලයෙන් උපුටා ගැනීමකි
උසට හරියන බර තියෙනවා නම් කෙට්ටුව ප්‍රශ්නයක් නොවේ උසට හරියන ඔබේ බර දැනගන්නේ මෙහෙමයි.
මාසයකට කිලෝ 2කට වඩා බර අඩුකර ගැනීම අහිතකරයි
නිතර ලෙඩ රෝග හැදීම දරුවා කෙට්ටු වීමට ප්රධාන හේතුවක්
පෝෂණය පිළිබඳ විශේෂඥ වෛද්‍ය රේණුකා ජයතිස්ස
අධික කෙට්ටු බව එක්
අයකුට ගැටලුවකි. අධික මහත බව තවත් අයකුට ගැටලුවකි. මෙම තත්ත්වයන් දෙකම නිසා මානසිකව මෙන්ම ශාරීරිකව ද පීඩා විඳින අය බොහෝය. එම නිසා අධික කෙට්ටු බවට මෙන්ම අධික මහත බවට හේතු මොනවා ද?
එමඟින් ඇතිවන ගැටලු මොනවා ද? එම තත්ත්වය නැති කරගන්නේ කෙසේ ද? යන ප්‍රශ්නවලට පිළිතුරු ලබාගැනීම සඳහා අපි පෝෂණය පිළිබඳ විශේෂඥ වෛද්‍ය රේණුකා ජයතිස්ස මහත්මිය හමුවීමු.
මොකක්ද මේ කෙට්ටු බව කියන්නෙ?
බොහෝ විට තමන්ගේ දරුවා කෙට්ටුයි කියා මවුවරුන් කියන්නේ දරුවාගේ ශරීරය දෙස පිටතින් බලලා. පිටතින් බැලු විට තම දරුවාගේ ශරීරය සිහින් නම් එම දරුවා කෙට්ටුයි කියා කියනවා.
වැඩිහිටි අයකු පිළිබඳත් එසේමයි. නමුත් විද්‍යාත්මකව දරුවකු හෝ වැඩිහිටියකු කෙට්ටුයි කියා හඳුන්වන්නේ උසට සරිලන ශරීර බරක් නැතිවීමයි.
මොකක්ද මේ උසට සරිලන බර?
කිසියම් පුද්ගලයකුගේ උසට සරිලන බරක් ඇතිදැයි සොයා බලන්නේ උස හා බර අනුව සකසනු ලබන කිසියම් අගයක් අනුවයි. එම අගය BMI අගය ලෙස හඳුන්වනවා. ශරීර ස්කන්ධ දර්ශකය ලෙස හඳුන්වනු ලබන්නේ මෙම BMI අගයයි. මෙහිදී බර කිලෝග්රෑම් වලින් ද උස මීටර් වලින් ද ගත යුතු වෙනවා.
මෙහිදී ලැබෙන අගය 19 - 24 ත් අතර නම් එය උසට සරිලන බරක් ලෙස සලකනු ලබනවා. එම අගය 25 ට වැඩි නම් එම පුද්ගලයා ස්ථුල අයකු ලෙස සලකනු ලබනවා. 18 ට අඩු පුද්ගලයින් කෙට්ටු පුද්ගලයින්, බර අඩු පුද්ගලයින් ලෙස සලකනු ලබනවා.
වැඩිහිටි පුද්ගලයින්ගේ එම අගය පිළිබඳව බරපතළ ලෙස සිතුවත්, වයස අවුරුදු 20 ට අඩු නව යොවුන් වියේ පසුවන අයගේ එම අගය වෙනස් වීම එතරම් බරපතළ කාරණයක් ලෙස සලකන්නේ නෑ.
කෙට්ටු බව ගැටලුවක් ද?
ඔව් ගැටලුවක්. විශේෂයෙන්ම හැදෙන වයසේ පසුවන දරුවන්ට එය ගැටලුවක්. යමෙකුට උසට සරිලන ශරීර බරක් තිබුණේ නැතිනම්, එමඟින් ලෙඩ රෝගවලට ඔරොත්තු දීමේ හැකියාව නැති වෙනවා. විශේෂයෙන්ම දරුවකුගේ මොළයේ වර්ධනය සිදුවන්නේ මුල් අවුරුදු 4 ඇතුළත. එම වයසේදී දරුවාගේ උසට සරිලන බර නැතිනම්, එම දරුවාට වර්ධනයේ උපරීමයට ළඟාවීමට නොහැකි වෙනවා.
කෙට්ටු වීමට බලපාන හේතු මොනවා ද?
අප එදිනෙදා සිදුකරන වැඩ කටයුතු අනුව අපට දිනකට අවශ්‍ය වන ශක්ති ප්‍රමාණයත්, කැලරි ප්‍රමාණයත් තිබෙනවා. කය වෙහෙසා වැඩ කරන පුද්ගලයකුට නම් එම පුද්ගලයාට අවශ්‍ය වන කැලරි ප්‍රමාණයක් තිබෙනවා.
එසේම එතරම් කය නොවෙහෙසන පුද්ගලයකුට නම් (උදා - කාර්යාලීය ලිපිකරුවකු වැනි) එම පුද්ගලයාට ද අවශ්‍ය වන ශක්ති ප්‍රමාණයක් තිබෙනවා. එසේම හැදෙන වයසේ පසුවන කුඩා දරුවකුටනම්, එම දරුවාගේ වර්ධනයට අවශ්‍ය වන ප්‍රෝටීන ප්‍රමාණයක් ඛනිජ ලවන ප්‍රමාණයක් තිබෙනවා.
ඒ ඒ පුද්ගලයාට අවශ්‍ය වන පෝෂණය කැලරි ප්‍රමාණය නොලැබෙන්නේ නම්, එම පුද්ගලයා තුළ පෝෂණ ඌණතාවක් ඇතිවී උසට සරිලන බරක් නැතිවීමට එය බලපානවා; කෙට්ටු වීමට බලපානවා.
එලෙස කෙට්ටු වන දරුවන් තමයි ඉදිරි කාලයේ දී මිටි දරුවන් බවට පත්වන්නේ. මෙහිදී කෙටි කාලීනව ඇතිවන ගැටලුව කෙට්ටු බවයි; දීර්ඝ කාලීනව ඇතිවන ගැටලුව මිටි බවයි.
කෙට්ටු වීමට බලපාන වෙනත් හේතු තිබෙනවා ද?
පෝෂණ ඌනතාවට අමතරව, තවත් හේතු කීපයක්ම කෙට්ටු බවට මුල් වෙනවා. නිතර නිතර ලෙඩ රෝගවලට ගොදුරු වීම කෙට්ටු වීමට බලපාන ප්රධාන සාධකයක්. විශේෂයෙන්ම කුඩා දරුවන්ට එම තත්ත්වය බෙහෙවින් බලපානවා.
ඕනෑ අයකු රෝගී වූ විට එම පුද්ගලයාගේ පෝෂණ අවශ්‍යතා වැඩි වෙනවා. විශේෂයෙන් කුඩා දරුවන් තුළ. නමුත් රෝගාබාධයක් වැලඳුණු විට ආහාර රුචිය අඩුවීම සාමාන්‍ය දෙයක්. එවිට එම පුද්ගලයාගේ පෝෂණයට අවශ්‍ය ආහාර ප්‍රමාණය නොලැබී යනවා.
එසේම ශ්‍රී ලංකාවේ දරුවන් ගෙන් 30% කට පමණ රෝගී වූ විට ආහාර ලබා දෙන්නේ වෙනදාට වඩා අඩුවෙන් බවත් හෙළි වී තිබෙනවා. එවැනි දරුවන් කෙට්ටු වීමේ හැකියාව ඉතා වැඩියි. රෝගී කාලයේදීත් හොඳ පෝෂණයක් ලැබෙන දරුවන් ඉතා ඉක්මනින් සුවපත් වී යථා තත්ත්වයට පත් වෙනවා.
නමුත් නිතර අසනීප වී අසාමාන්‍ය ලෙස කෙට්ටු බවට පත්වන දරුවන් නැවත සම්පූර්ණයෙන්ම යථා තත්ත්වයට පත්වීමේ හැකියාව ඉතා අඩුයි. එහි ප්‍රතිඵලය වන්නේ එම දරුවන් දිගින් දිගටම රෝගී තත්ත්වයන්ට ගොදුරු වීමයි. එවිට මෙය දිගුකාලීන ගැටලුවක් බවට පත් වෙනවා. එහි ප්‍රතිඵලය එම දරුවා මිටි දරුවකු බවට පත්වීමයි.
මීට අමතරව යම් යම් රෝගී තත්ත්වයන් නිසා ද කෙට්ටු බවට පත්වීමේ හැකියාව තිබෙනවා. ඒ නිසා හොඳින් සිටි අයකු හදිසියේම කෙට්ටු බවට පත්වූ විට එම කෙට්ටු බව ඇතිවීමට හේතුව සොයා බැලිය යුතු වෙනවා. ඉන් පසුව එම කෙට්ටු බවට හේතුව කිසියම් රෝගාබාධයක් ද යන්න සොයා බැලිය යුතුයි.
දියවැඩියාව මෙන්ම, ශරීරයේ තයිරොයිඩ් ග්‍රන්ථියේ ඇතිවන ගැටලු නිසාත් යමෙකු කෙට්ටු බවට පත්වීමට හැකියාව තිබෙනවා. ඉතා නිරෝගීව සිටි පුද්ගලයකු හදිසියේම කෙට්ටු බවට පත්වූයේනම් එම කෙට්ටු බව ගැටලු සහගතයි. ශරීරය තුළ ඇතිවන පිළිකාවන් නිසා ද හදිසියේම කෙට්ටු වීමට ඉඩ තිබෙනවා.
එම නිසා හදිසියේම ඇතිවන කෙට්ටු බවට හේතුව කුමක්දැයි යන්න පරීක්ෂණ මඟින් තහවුරු කරගත යුතුයි. කෙට්ටු බව පෙන්නුම් කළ මුල් දින කීපයේදීම එයට බලපා ඇති හේතුව කුමක්දැයි යන්න සොයා බැලීමෙන් පහසුවෙන්ම එයින් මිදීමේ හැකියාව තිබෙනවා.
කෙට්ටු බව නැති කරගන්නේ කෙසේ ද?
කෙට්ටු බවට හේතුව පෝෂණ ඌනතාවක් බව හෙළි වුණොත් එයට ප්රධාන හේතුව ශරීරයට අවශ්‍ය කැලරි ප්‍රමාණය අඩුවීම බව පෙනී යනවා. ශරීරයට අවශ්‍ය විටමින් සහ ඛනිජ ලවණ මෙන්ම යකඩ ද අඩුවූ විට කෙට්ටු වෙනවා.
එය නැතිකර ගැනීමට ගත යුතු පියවර වන්නේ ශක්තිජනක ආහාර ලබාදීමයි. සාමාන්‍යයෙන් දරුවකු නිරෝගීව සිටින විට අවශ්‍ය කැලරි ප්‍රමාණයට වඩා වැඩිපුර කැලරී 200 ක් වැනි ප්‍රමාණයක් රෝගී වූ විට අවශ්‍ය වෙනවා.
එම කැලරි ප්‍රමාණය වැඩිපුර පොල්තෙල් හැන්දක් ආහාරයට එක්කර ගැනීමෙන් ලබාගත හැකියි. මෙහිදී රෝගියාට ආහාර වර්ග තෙම්පරාදු කර ලබාදීමට හැකියාව තිබෙනවා. ඊට අමතරව හබල පෙති කැඳ මඟින් ද දරුවාගේ පෝෂණ තත්ත්වය දියුණු කළ හැකියි.
දරුවකු රෝගී වූ විට කිරි බීමට වැඩි කැමැත්තක් දක්වන්නේ නෑ. එසේ වූ විට කිරි යොදා කස්ටඩ් එකක් ආකාරයෙන් ලබාදීම සුදුසුයි. එය දරුවකුට දිරවා ගැනීමට පහසු වෙනවා මෙන්ම දරුවන් ප්‍රියකරන ආහාරයක්. එසේම බිස්කට් යොදා සෑදූ පුඩිමක්, සව්කැඳ වැනි ආහාරයක් ද රෝගී වූ දරුවකුට ලබාදිය හැකියි.
රෝගී වූ විට ඕනෑම අයකුට ආහාර අරුචියක් ඇතිවන නිසා ආහාර ගන්නේ සුළු ප්‍රමාණයක්. එම නිසා එම සුළු ආහාර ප්‍රමාණය තුළ විශාල කැලරි ප්‍රමාණයක් අඩංගු වන්නේ නම් එය ප්‍රයෝජනවත්. ළමා වියත් තරුණ වියත් අතර වයසේ පසුවන දරුවන් යකඩ ඌනතාවට ගොදුරු වීම බහුලයි.
එවිට එම දරුවන් කෙට්ටු වෙනවා. එම දරුවන්ගේ කෙට්ටු බවට හේතුව යකඩ ඌනතාව බව හෙළි වුණොත්, අවශ්‍ය වෛද්‍යමය ප්‍රතිකාර සහ පෝෂණය ලබාදීමෙන් මාස 3 ක් වැනි කාලයක් ගතවන විට දරුවා යථා තත්ත්වයට පත්කර ගත හැකියි.
රෝගවලට ඔරොත්තු දීමේ හැකියාව (ප්රතිශක්තිකරණ හැකියාව) වැඩිදියුණු කර ගැනීම සඳහා සුදුසු ආහාර වර්ග මොනවා ද?
විශේෂයෙන්ම ප්‍රෝටීන බහුල ආහාර සුදුසුයි. මෙහිදී මස් මාළු, බිත්තර, පියලි වර්ග මඟින් එම ප්‍රෝටීන අවශ්‍යතාව සපුරාගන්න පුළුවන්. එසේම කොළ වර්ග එළවළු පලතුරු ආදිය වැඩිපුර ආහාරයට ගැනීමෙන් ලෙඩ රෝගවලට ඔරොත්තු දීමේ හැකියාව වර්ධනය වෙනවා.
උපතේදී බර අඩුව ඉපදීම එම දරුවාගේ අනාගත ජීවිතයට කෙසේ බලපානවා ද?
උපතේදී බර අඩුව ඉපදෙන දරුවකුට එම අඩුව එම දරුවාගේ ජීවිත කාලය පුරාම බලපානවා. බර අඩුව ඉපදෙන දරුවන් බොහෝ විට කෙට්ටුයි. එම උපතේදී බර අඩුවීම කෙට්ටු ශරීරයක් තිබීම වැනි කරුණු නිසා එම දරුවා වැඩිහිටියකු බවට පත්වූ විට දියවැඩියාව, හෘද රෝග වැනි රෝගාබාධවලට ගොදුරු වීමේ හැකියාව වැඩි වෙනවා. එම කෙට්ටු බව එම දරුවාගේ බුද්ධි වර්ධනයටත්, මතක ශක්තියටත් සෘජුවම බලපානවා.
එම කෙට්ටු දරුවා ගැහැනු දරුවකු නම්...?
කෙට්ටු දරුවා ගැහැනු දරුවකු නම් එහි බලපෑම ඉතා වැඩියි. එම ගැහැනු දරුවා තරුණියක වී විවාහ වන විටත් කෙට්ටු බවට පිළියම් යෙදුවේ නැතිනම්, ඇය මවක වීමේද‍ී ඇයට ඇයගේ කෙට්ටු බව විශේෂ බලපෑමක් කරනවා. විශේෂයෙන්ම උසට සරිලන බරකින් නොසිටින, කෙට්ටු ගර්භණී මවකට උපත් බර අඩු දරුවකු ලැබීමේ හැකියාව වැඩියි.
ඒ නිසා මවක් වීමට බලාපොරොත්තු වන යුවතියන් තම කෙට්ටු බව පිළිබඳව වැඩි සැලකිල්ලක් දැක්වීම අත්‍යවශ්‍යයි. එසේ නොවුණහොත් සිදුවන්නේ ගර්භණී මවගේ කෙට්ටු බව නිසා උපදින දරුවාට ඇතිවන ගැටලුව දිගින් දිගටම පරම්පරාවෙන් පරම්පරාවට යාමට හැකිවීමයි.
ඊට අමතරව ඕනෑම වැඩිහිටි පුද්ගලයකු පිළිබදව සලකන විට එම පුද්ගලයා කෙට්ටු නම්, උසට සරිලන බරක් නැතිනම්, ඔහු රෝගවලට ගොදුරු වීමේ හැකියාව වැඩියි.
වයස අවුරුදු 60 ට වඩා වැඩි පුද්ගලයන් අවශ්‍ය පමණට වඩා කෙට්ටු වන විට ඔවුන්ගේ මාංශ පේෂි ප්‍රමාණය අඩුවීමක් සිදු වෙනවා. එහි ප්‍රතිඵලය වන්නේ දියවැඩියාව, අධි රුධිර පීඩනය වැනි නිදන්ගත රෝගවලට ගොදුරු වීමේ හැකියාව වැඩිවීමයි.
කෙට්ටු බව පරම්පරාවට යනවා ද?
ජානමය හේතු මත පරම්පරාවට යන කෙට්ටු බවක් තිබෙනවා. ඒ සමාජයේ ඉතාම අල්ප ප්‍රමාණයක්. ඒ; කෙට්ටු පුද්ගලයන්ගෙන් 10% ක් වැනි සුළු පිරිසක් පමණයි. කෙට්ටු බවට විශේෂයෙන්ම බලපාන්නේ පෝෂණ ඌනතා සහ වෙනත් රෝගාබාධ.
මහත් වෙන්න ඖෂධ නැති ද?
නව යොවුන් වියේ පසුවන දරුවන්ට මෙන්ම බොහෝ තරුණ තරුණියන්ට තමන්ගේ කෙට්ටු බව විශාල ගැටලුවක්. ඇතැම් දරුවන් තමාගේ කෙට්ටු බව නිසා විශාල වශයෙන් මානසිකව පීඩා විඳිනවා. ඔවුන් තමන්ගේ කෙට්ටු බව නැතිකර ගැනීමට පුවත්පත්වල පළවන විවිධ දැන්වීම්වල ඇති නීත්‍යානුකූල නොවන ඖෂධ වර්ගවලට ප්‍රතිකාරවලට යොමු වෙනවා. එය ඉතා නිරර්ථක ක්‍රියාවක්.
යමෙකු උසට සරිලන බරක් නැතිනම්, කෙට්ටු නම්, එම කෙට්ටු බවට හේතුව සොයා බැලිය යුතුයි. ප්‍රතිකාර කළ යුත්තේ එම හේතුවටයි. වෛද්‍යවරුන් නොවන අය මහත් වීමට ප්‍රතිකාර කරන බවට දැන්වීම් පළ කළත් එවැනි නුසුදුසු ප්‍රතිකාරයන්ට තරුණ දරුවන් හසු නොවිය යුතුයි.
අධික මහත බව හෙවත් ස්ථුලභාවය යනු කුමක් ද?
ශරීර ස්කන්ධ දර්ශකයට අනුව යම් අයකු උසට සරිලන බරට වඩා වැඩි බරකින් යුක්ත නම්, එම පුද්ගලයා ස්ථුල පුද්ගලයකු ලෙස හඳුන්වනවා. මෙම දර්ශකයේ අගය 25 ට වඩා වැඩිනම් එම පුද්ගලයා මහත පුද්ගලයෙක් එසේ නැතිනම් ස්ථුල පුද්ගලයෙක්.
අධික මහතට බලපාන හේතු මොනවා ද?
හේතු ගණනාවක්ම තියෙනවා. අධික මහතට බලපාන හේතු අතරින් ජානමය බලපෑම ද එක් හේතුවක්. එහෙත් එය සුළු ප්‍රතිශතයක්. අධික මහත පුද්ගලයින් ගෙන් 10% ක් වැනි පිරිසක් තමයි ජානවල බලපෑම නිසා මහත් වී තිබෙන්නේ. ඉතිරි පිරිසට බලපා තිබෙන්නේ පාරිසරික සාධක.
පාරිසරික සාධක ලෙස මෙහිදී හඳුන්වන්නේ වැරැදි ආහාර පුරුදු සහ වැරැදි ජීවන රටාවේ පුරුදු. අපගේ ආහාර රටාව සහ ජීවන රටාව සමතුලිත වුණේ නැතිනම්, දිනපතා අපගේ පෝෂණ අවශ්‍යතාවයට වඩා වැඩි ආහාර ප්‍රමාණයක් ගන්නේනම්, එය අධික මහතට හේතුවක්. එම නිසා තමන් එදිනෙදා කරන වැඩ කටයුතු, නිරත වී සිටින රැකියාව, දිනපතා වැය කරන ශක්ති ප්‍රමාණය අනුව ආහාර ගැනීමයි සුදුසු.
මහත බවට හේතු වන ආහාර මොනවා ද?
ප්රධාන වශයෙන්ම පිෂ්ඨය සහ මේදය අධික ආහාර මහත් වීමට බලපානවා. මේදමය ආහාරවල කැලරි ප්‍රමාණය වැඩියි. මේදමය ආහාර ග්රෑම් එකක කිලෝ කැලරි 9 ක් තිබෙනවා. එසේම පිෂ්ඨය ග්රෑම් එකක කිලෝ කැලරි 4 ක් තිබෙනවා.
ඊට අමතරව ඇල්කොහොල් ග්රෑම් එකකින් කිලෝ කැලරි 7 ක් ලැබෙනවා. දිනපතා ගැඹුරු තෙලේ බදින ලද පැටිස් කට්ලට් රෝල්ස් වැනි ආහාර මෙන්ම ‘ෆ්‍රයිඩ් රයිස්’ ආහාරයට ගන්නා විට විශාල තෙල් ප්‍රමාණයක් ශරීරයට ලැබෙනවා.
එමඟින් ලැබෙන ශක්තිය ශරීරයෙන් වැය වුණේ නැතිනම්, එය ශරීරයේ තැන්පත් වෙනවා. මෙය කෙටි කාලයක් තුළ සිදුවන ක්‍රියාවලියක් නොවෙයි. කෙට්ටු වීම ඉතාම කෙටි කාලයක් තුළ සිදු වෙනවා. නමුත් මහත් වීමට සෑහෙන කාලයක් ගත වෙනවා. ඒ වාගේම ඉතාම ඉක්මනින් කෙට්ටු බව නැතිකර ගැනීමට හැකියාව තිබෙනවා. නමුත් මහත බව අඩුකර ගැනීමට බොහෝ කාලයක් කැප කිරීමට සිදු වෙනවා.
මහත බව නැතිකර ගැනීමට “ඩයට් කිරීම” හෙවත් ආහාර නොගෙන සිටීම හරි ද?
සමාජයේ බොහෝ දෙනෙක් විශේෂයෙන්ම මහත තරුණ තරුණියන් තමන්ගේ මහත බව අඩුකර ගැනීමට රාත්‍රියේදී ආහාර නොගෙන සිටීමට පෙලඹී සිටිනවා. එය ඉතාම වැරැදි සහගත ක්‍රියාවක්. මහත බව අඩුකර ගැනීමට ආහාර පාලනය කිරීම අත්‍යවශ්‍යයි. නමුත් එම ආහාර පාලනය නිවැරැදිව කළේ නැතිනම් එය වෙනත් ශාරීරික ගැටලු රැසකටම හේතුවක් විය හැකියි.
ඇවිදීම, ඉඳගැනීම, සුළු වැඩක් කිරීම වැනි එදිනෙදා ජීවිතයේ අවශ්‍යම වැඩ කටයුතු ටික කරගැනීමට ඕනෑම පුද්ගලයකුට දිනකට කිලෝ කැලරි 1500 ක්වත් අවම වශයෙන් ශරීරයට ලබාගත යුතුයි. එසේ නොවුණහොත් එම පුද්ගලයාගේ ශරීරයේ විශාල ගැටලු මතු වෙනවා.
ඊට අමතරව ශරීරයේ මොළය හෘදය වැනි ප්රධාන ඉන්ද්‍රියයන් ක්‍රියා කිරීමට අවශ්‍ය ශක්තිය නැතිව යනවා. ඒ නිසා අනවශ්‍ය ලෙස ශරීරය කෙට්ටු කරගැනීමට යැයි කියා ආහාර නොගෙන සිටීම අනුවණ ක්‍රියාවක්. ඒ නිසා මහත බව අඩුකර ගැනීමට ආහාර පාලනය වෛද්‍ය උපදෙස් අනුව කළ යුතුයි.
අධික මහත බව නිසා ඇතිවන ගැටලු මොනවා ද?
අධික මහත බව සෞඛ්‍ය ගැටලු රැසකටම හේතුවක්. වර්තමානයේ දී පාසල් දරුවන් අතර අධික මහත බව විශාල ගැටලුවක් බවට පත්වී තිබෙනවා. බොහෝ දෙමවුපියන් තමන්ගේ දරුවන් මහතට ඉන්නවා දකින්න කැමැතියි.
එය ඉතාම වැරැදි සහගත මතයක්. මීට වසර 10 කට 15 කට පෙර සිටියාට වඩා වර්තමානයේදී වයස අවුරුදු 10 ට අඩු දරුවන් අතර දියවැඩියා රෝගය බහුල බව රිජ්වේ ආර්යා ළමා රෝහලට පැමිණෙන දරුවන් දෙස බලන විට පෙනී යනවා.
මවුපියන්ගේ පහසුව, මවුපියන්ගේ වැඩ අධික බව නිසා දරුවන්ව ක්ෂණික ආහාරවලටම යොමු කිරීම ඊට ප්රධාන හේතුවක්. දියවැඩියාව ඇති දරුවන් මෙන්ම අධික කොලෙස්ටරෝල්, අධික රුධිර පීඩනය ඇති දරුවන් සමාජයේ බහුල වීමට දරුවන්ගේ අධික මහත බව හේතු වී තිබෙනවා.
එම අධික මහත දරුවන් වැඩිහිටියන් වූ විට ඔවුන් පිළිකා රෝගවලට ගොදුරු වීමේ හැකියාව ඉතා වැඩියි. එසේම අධික මහත දරුවන් පාසලේ අනෙක් දරුවන්ගේ උසුළු විසුළු වලටත් ලක්වෙනවා. එය එම දරුවන්ගේ මානසික වර්ධනයට අධ්‍යාපනයට බාධාවක්.
අධික මහත අඩුකර ගැනීමට කුමක් කළ යුතු ද?
ආහාර පාලනය ඉතා වැදගත්. දිනකට කිලෝ කැලරි 500 ක් ලබාදෙන ආහාර ප්‍රමාණයක් අඩුකර ගැනීමෙන් ස්ථුලභාවයෙන් මිදෙන්න පුළුවනි. එසේම තෙල් අධික ආහාර සම්පූර්ණයෙන්ම අඩුකර ගැනීම වැදගත්. එසේම අධික මහත පුද්ගලයින් දිනකට පැයක්වත් කය වෙහෙසා ඇවිදීම දිවීම වැනි ක්‍රීඩාවක නිරතවීම ඉතා අවශ්‍යයි. ව්‍යායාම සඳහා එක දිගට පැයක් ගත කිරීමට අපහසු නම් උදෑසන පැය භාගයක් ද සවස පැය භාගයක් ද වන ලෙස එම කාලය යොදාගත හැකියි.
මෙහිදී සඳහන් කළ යුතු ඉතා වැදගත් කරුණක් තිබෙනවා. ඒ; ශරීරයේ බර එකවර අඩුකර ගැනීම නුසුදුසු බවයි. එක් මාසයක් තුළ කිලෝග්රෑම් 2 කට වඩා වැඩියෙන් ශරීර බර අඩුකර ගැනීම සුදුසු නෑ. ඒ; එමඟින් තවත් සෞඛ්‍ය ගැටලු රැසක්ම ඇතිවිය හැකි නිසයි.
වඩා වැදගත් වන්නේ මාසයකට අඩුකරගන්නා කිලෝග්රෑම් දෙක ඒ අයුරින්ම පවත්වා ගැනීමට කටයුතු කිරීමයි. රාත්‍රියට ආහාර නොගෙන සිටීමෙන් ගැස්ට්‍රයිටිස් වැනි රෝගවලට ගොදුරු වීමට ද ඉඩ තිබෙනවා. එම නිසා රාත්‍රියට බර ආහාර නොගෙන තම්බන ලද එළවළු පලතුරු වැනි දෙයක් හෝ ආහාරයට ගැනීම අවශ්‍යයි.
රෝගී දරුවාට තැම්බුම් හොදියි බතුයි දීලා පලක් නෑ
අසනීප වූ විට දෙන්න නුසුදුසු ආහාර කියා දෙයක් නෑ. විශේෂයෙන්ම දරුවකු අසනීප වූ විට අප දරුවාට ලබාදිය යුත්තේ දරුවා රුචි ආහාර වර්ගයි. එහෙත් අසාත්මිකතා වැනි තත්ත්වයකදී නොදිය යුතු ආහාර තිබෙනවා. එසේ නැතිව සාමාන්‍ය රෝගාබාධයකදී නොදිය යුතු ආහාර කියා දෙයක් ඇත්තේ නෑ.
විශේෂයෙන්ම දරුවකු රෝගී වූ විට දරුවාට දිරවාගත නොහැකි ලෙස ආහාර ලබාදීම සුදුසු නෑ. මස් මාළු වැනි ආහාර විශාල කැබැලි ලෙස දරුවාට දීම සුදුසු නෑ.
මස් මාළු වුණත් හොඳින් තම්බා සිහින්ව කඩා හෝ පොඩිකර දරුවාට ලබාදීම මඟින් දරුවාට එම ආහාර හොඳින් දිරවාගත හැකියි. එසේම බත් ආහාරයට දෙන්නේ නම්, බත් බෙරි වන තෙක් හොඳින් තම්බා දීම සුදුසුයි. ඕනෑම ආහාරයක් රෝගී දරුවකුට හෝ වැඩිහිටි අයකුට දිරවාගත හැකි ආකාරයෙන් සකසා දීමේ හැකියාව තිබෙනවා.
උණ සෙම්ප්‍රතිශ්‍යාව වැනි රෝගී තත්ත්වයකින් පෙළෙන දරුවකුට හෝ වැඩිහිටියකුට සීතල ආහාර දුන් විට එම රෝගී තත්ත්වය වැඩිවන අවස්ථාවන් තිබෙනවා.
ඒ අසාත්මිකතාව නිසා. එවැනි අයකුට යෝගට් වැනි ආහාරයක් ලබාදීමට අවශ්‍ය නම්, යෝගට් එක ශීතකරණයෙන් පිටත තබා සීතල බව පහවගිය පසුව එය ආහාරයට ලබාදීමේ වැරැද්දක් ඇත්තේ නෑ.
මෙහිදී සඳහන් කළ යුතු වැදගත් කරුණක් වන්නේ දරුවකුට කිසියම් රෝගයක් වැලඳුණු විට එම රෝගයෙන් ඉක්මන් සුවය ලබාගැනීම සඳහා දරුවා කැමැති ආහාර ලබාදීම වැදගත් බවයි.
ඇතැම් මවුවරු දරුවන් රෝගී වූ විට තැම්බුම් හොදි සමඟ බත් වැනි ආහාරයක් ලබාදීමට පෙලඹෙනවා. බොහෝ දරුවන් එවැනි ආහාරවලට දක්වන්නේ අකමැත්තක්.
සාමාන්‍ය නිරෝගි දරුවකුට පැය 3 කට වරක්වත් ආහාර වේලක් ලබාදිය යුතුයි. එම දරුවා රෝගී වූ විට පැය දෙකෙන් දෙකට ආහාර ලබාදීම වැදගත්. එමඟින් රෝගී වූ දරුවාට අවශ්‍ය පෝෂණය ලබාගත හැකියි. එය දරුවා කෙට්ටු නොවීමට ප්රධාන හේතුවක්.
ගාමිණී සුසන්තඅතර්ජාලයෙන් උපුටා ගැනීමකි
මිටි වීමට බලපාන හේතු ඔබ කවදාවත් දැනන් හිටියද? මෙන්න බලන්න කොට වෙන්නත් හේතුවක් තියෙනවා.
මිටි බව එහෙම නැතිනම් කුරු බව ( ෂොර්ට් ස්ටටුරෙ ) තත්ත්වය සමාජයේ ජීවත්වන” එම දේහ ලක්ෂණය තිඛෙන බොහෝ දෙනෙකුට මානසික පීඩාවක් ගෙන දෙන තත්ත්වයක්’ සම වයසේ තරුණ තරුණියන්ට සාපේකෂ ව තමන් උසින් අඩූ නම් ඒ ගැන බොහෝ දෙනෙකු ඉමහත් පසූතැවිල්ලට පත්වෙති’ බොහෝ වෛද්‍ය ගැටලු තීර පරීකෂාවේ දී ද හෙළි වන්නේ උස වැඩි කර ගැනීමට ඛෙහෙත් පවතී ද යන්න විමසන පිරිස වැඩි බව ය’ ඇතැම් විට සිය දිවි නසා ගැනීමට තරම් ඇතැම් පූද්ගලයෝ පෙළඹෙති’
මිටි බවට බලපාන හේතු රාශියක් පවතින අතර ළමා අවධියේ දී මේ තත්ත්වය හඳුනා ගැනීම දෙමාපියන්ට මෙන්ම ළමයාට ද වැදගත් වෙයි’ දැනට භාවිත වන වර්ධක සටහන් ( ඝ්‍රොව්ත් ඡර්ට් ) වල ළමයා ගේ වයසට අනූව උස ලකුණූූ කිරීම සිදුවන අතර” සාමාන්‍ය ළමයකු ගේ උසට සාපේකෂව එම වෙනස මේ අනූව පැහැදිළිව හඳුනාගත හැකි ය’
මූල් අවධියේ දී උසින් අඩූ බවක් පෙන්වන ළමයින් වැඩිවිය පැමි”මේ දී තමන් ගේ පවූලට නියමිත උස ප්‍රමාණය අත්පත් කරගන්නා අවස්ථා ද පවතියි’ පාසලේ දී” පෙර පාසලේ දී හෝ සම වයසේ මිතුරන් අතර කොන් වීම” ආරුඨ නම්වලට ලක්වීම’ ආත්ම විශ්වාසය අඩූ වීම” ක්‍රීඩාවල දී විවිධ අපහසූතාවන්ට ලක්වීම” මීට අමතරව වයසින් මූහූකුරා ගිය ද උසින් අඩූ නිසා පොඩි දරුවකු මෙන් සැලකීම වැනි ගැටලු රැසක් මිටි බව සමඟ බැඳී ඇත’ මේ නිසා මිටි බවට බලපාන හේතු සාධක මොනවා දෑයි පලමූව විමසා බලමූ’
1’ පවූල් පසූබිම’
දෙමාපියන් හා ඥාතීන් උසින් අඩූ වන විට දරුවන්ට ද එය උරුම වෙයි’
2’ මව් කුස තුළ දී වර්ධනය අඩාල වීමකට ලක්වීම හා නොමේරූ දරු උපතක් බිහි වීම
මව් කුස තුළ දී විවිධ හේතුන් මත වර්ධනය අඩාල වූ දරුවන් හා නියමිත දින සම්පූර්ණ වීමට ප්‍රථම උපන් නොමේරූ දරුවන් දිගට ම වර්ධනය අඩාල වීමක් පෙන්වති’ උසින් අඩූ වෙති’
3’ වර්ධනය සෙමින් සිදුවන දරුවන්
මෙවන් දරුවන් උස යාම” වැඩි විය පැමි”ම ආදිය ප්‍රමාද වී සිදු වෙයි’ ආරම්භයේ දී වර්ධනය අඩූ බවක්” උසින් අඩූ බවක් පෙන්නූම් කළ ද කාලය ගතවීම සමඟ ක්‍රමයෙන් තමන් ගේ දෙමාපියන් ගෙන් උරුම වූ උස ප්‍රමාණයට ළඟා වෙති’ මෙය පවූලේ සාමාජිකයන් අතරින් ද හමූවන අතර” පිරිමින් තුළ සූලබ ය’ කෙසේ වූවත් මේ තත්ත්වය රෝගයක් නොවේි’ ඇන්ඩ්‍රොජන් හෝ ඊස්ට්‍රජන් හෝර්මෝන මඟින් මොවූන් ගේ වැඩිවිය පැමි”ම ඉක්මන් කළ හැකි ය’
4’ හෝර්මෝන අසංතුලිතතා නිසා වන මිටි බව
තයිරොයිඩ් හෝර්මෝනය” වර්ධක හෝර්මෝනය හා ස්ටෙරොයිඩ් හෝර්මෝන වර්ධනය කෙරෙහි බලපායි’ මින් පළමූ හෝර්මෝන දෙවර්ගය අඩූ වූ විට වර්ධනය අඩාල වෙයි’ ස්ටෙරොයිඩ අධික වීම ද වර්ධනය අඩාල කරයි’
උපතින් ම තයිරොයිඩ් හෝර්මෝන නිපදවීම අඩාල වීම හෝ තයිරොයිඩ් ග්‍රන්ථියේ ක්‍රියාකාරිත්වයට එරෙහි ප්‍රතිදේහ නිපදවීම හෝර්මෝන නිෂ්පාදනය අඩාල කරයි’ පිටියූටරි ග්‍රන්ථියේ ක්‍රියාකාරිත්වය අඩාල වීම” පිළිකා රෝගයකින් එය විනාශ විම” හයිපොතැලමස ප්‍රදේශයේ පිළිකාවක් හෝ විකිරණවලට ලක්වීම” ආදිය නිසා වර්ධක හෝර්මෝන නිපදවීම අඩාල වෙයි’
දිගු කලක් ස්ටෙරොයිඩ් (ප්‍රෙඩ්නිසිලෝන් වැනි) ඖෂධ භාවිත කරන විට වර්ධනය අඩාල වෙයි’ දිගු කලක් ඇදුම රෝගයට ඉන්හේලර් පාවිච්චි කරන්නන් තුළ ද මෙය දෑකිය හැකි ය’
5’ පෝෂණ ඌනතා සහ දිගු කලක් රෝගාබාධ වලින් පීඩා විඳීම
මෙය දියූණූ වෙමින් පවතින රටවල ළමයින් ගේ වර්ධනය අඩාල වීමට බලපාන ප්‍රධානතම හේතුවකි’ ගුණාත්මකභාවයෙන් අඩූ ආහාර ගැනීම” ආහාර හිඟවීම” ආහාර අරුචිය” දිගු කලක් විවිධ රෝගවලට නිතර නිතර ලක්වීම මෙයට හේතු වෙයි’
ආහාර මාර්ග පද්ධතියේ ආහාර අවශෝෂණය අඩාල කරන සිලියැක්” ක්‍රෝන්ස් ( ක‍රොහ්න්~ස් ) වැනි රෝග” වකුගඩූ අක්‍රීයතාව ද මෙයට බලපායි’
6’ වර්ණදේහ ගැටලු නිසා වන සහලකෂණවලට ගොදුරු වීම
ඩවූන්ස් සහ ලකෂණයේ දී ළමයින් ගේ උස යාම අඩූ වෙයි’ ඩවූන්ස් සහ ලකෂණය උපත ලද අවස්ථාවේ දී ම හඳුනාගත්ත ද” ඇතැම් එවැනි වර්ණදේහ රෝග හඳුනා ගන්නේ ළමයාෙ ග් කුරු බවට හේතු සොයාගෙන යාමේ දී ය’
ටර්නර්ස්” නූනාන්ස්” සෙල්ස් සිල්වර් වැනි සහලකෂණ මෙයට නිදසූන් ය’
7’ මානසික අවපීඩනය
කායික ව හෝ මානසික ව දීර්ඝ කාලයක් පීඩාවන්ට ලක්වීම ද උස යාම අඩාල කරන්නකි’ ළමයින්ට නිදහසේ සැහැල්ලුවෙන් ජීවත්වීමට හිතකර පරිසරයකට රැගෙන ගිය විට නැවත හොඳින් වර්ධනය පටන් ගන්නා බව පෙනෙයි’
ඇතැම් විට මිටි බව ඇෙඟ් ඉහළ සහ පහළ කොටස්වලට සමාන ව බලපාන අතර” තවත් සමහර රෝගවල දී ශරීරයේ ඉහළ හෝ පහළ කොටස පමණක් වර්ධනය අඩාල බවට පත්වෙයි’
ළමයින් ගේ වයස සමඟ උස ක්‍රමාණූකුළ ව සහටන් කිරීම මඟින් මෙම වර්ධනය අඩාලවීම හොඳින් අවබෝධ කරගත හැකි ය’ මීට අමතරව හෝර්මෝන ඌණතාවල දී ඊට සම්බන්ධ වෙනත් රෝග ලකෂණ ද රෝගියා තුළින් දෑකිය හැකි ය’
වර්ධක හෝර්මෝනය අඩාල වීමට දෑනට ප්‍රතිකාර ලෙස එම හෝර්මෝනය පිටතින් එන්නත් කිරීම සිදු කරයි’ මෙය මිල අධික වන අතර” ඒ සම්බන්ධ විශේෂඥ වෛද්‍ය මධ්‍යස්ථානයක අධීකෂණය යටතේ ප්‍රතිකාර ගැනීම කළ යූතුයි’ තයිරොක්සීන් ඌණතාවට සූදුසූකම ලබා විශේෂඥ කායික රෝග වෛද්‍යවරයකු ගෙන් ප්‍රතිකාර ලබාගත හැකි ය’
අතේ මැණික් කටූව හා ඉදිරි කොටසේ එක්ස් කිරණ ඡායාරූප මඟින් ළමයා ගේ අස්ථි වර්ධනයේ වයස ( ඹොනෙ අගෙ )- ලබාගත හැකිය’ මෙය ළමයා ගේ සැබෑ වයසට ගැලපේ ද” වයසින් අඩූ ද යන්න මින් නිගමනය කළ හැකි ය’ රුධිර ෙසෙල පරීකෂාව මඟින් නිතර වැළඬෙන ආසාදන පරීකෂාව ද” තයිරොක්සීන් හා වර්ධක හෝර්මෝන මටිටම මැන බැලීම ද කළ හැකිය’
මොළය තුළ වන වෙනස්කම් හඳුනා ගැනීමට ක‍ඨ්හෝ ඵර්‍ඓ පරිකෂණ ඉවහල් වෙයි’ මේ අනූව ඔබත් උසින් අඩූ බව මානසික පීඩාවක් කරගෙන ඇත්නම් පවූලේ වෛද්‍යවරයා හමූ වී වෛද්‍ය උපදෙස් ලබා ගැනීම ඔබට සහනයක් ගෙන දෙනූ ඇත’
අතර්ජාලයෙන් උපුටා ගැනීමකි
රහස් ස්ථාන වල වැවෙන රෝම වැවිය යුතු හේතුව මෙන්න කාන්තාවන්ට විශේෂයි.
රහස්‍ය ස්ථාන වල වැවෙන රෝම වැවිය යුතුද? එසේත් නොමැති නම් ඉවත් කළ යුතුද යන්න නිශ්චිත අවබෝධයක් බොහෝ දෙනෙකුට නොමැත. එහෙත් නවතම පර්යේෂණවලින් සනාථ වී ඇති කරුණු කිහිපයක් අද ලිපියෙන් ඉදිරිපත් කිරීමට බලාපොරොත්තු වෙනවා.
රහස්‍ය ස්ථාන වල වැවෙන රෝම ඉවත් කිරීම මගින් ශරීරයට පහසුවක් දැනුනද සැබවින්ම එම රෝමයන් මගින් ඉතා වටිනා කෘත්‍යයන් කිහිපයක් ඉටු කරන බව පර්යේෂණවලින් තහවුරු කෙරේ.
1. බැක්ටීරියා වලින් ආරක්ෂා කරයි.
මිනිස් සිරුරේ ඇසි පිය මගින් ඇස් වලට ආරක්ෂාව සැපයේ. නාසයේ ඇති රෝමයන් මගින් ස්වසන පද්ධතියට අනවශ්‍ය ද්‍රව්‍යයන් ඇතුළු වීම සහ ආරක්ෂාව සැපයේ. රහස්‍ය ස්ථාන වල වැවෙන රෝමයන් මගින් ද ඒ හා සමානම කෘත්‍යයක් ඉටු කෙරේ. බැක්ටීරියාවන් සහ අනවශ්‍ය කුඩා අපද්‍රව්‍යය රහස්‍ය ස්ථාන වලට ලගා වීමට බාධකයක් ලෙස රෝම සැලකිය හැකිය. එමෙන්ම මෙම රෝමයන් කැපීම මගින් ඇති වන කුඩා සිදුරු මගින් එම ස්ථාන වලට පහසුවෙන් බැක්ටීරියා ආසාධනයක් වුවද සිදු විය හැකිය.
2. විරුද්ධ ලිංගිකයන් ආකර්ෂණය කිරීම.
මෙම ස්ථාන වල ඇති කුඩා ග්රන්ථි වලින් නිපදවෙන පෙරමෝන මගින් විරුද්ධ ලිංගිකයන් ආකර්ෂණය කිරීම සහ උත්තේජනය සිදු වේ. මෙම ස්ථාන වලට හානි වීම මගින් මෙම ක්‍රියාවලියද අඩපණ වේ.
3. ආරක්ෂක පටලයක් ලෙස වැදගත් වේ.
මෙම ස්ථාන වල පවතින රෝමයන් නිසා නින්දේදී මෙන්ම ලිංගික හැසිරීම් වලදී රහස්‍ය අවයව වලට ආරක්ශාව සැලසේ.
අතර්ජාලයෙන් උපුටා ගැනීමකි
මාළු බැදල කන්න කවුරුත් කැමති වුනාට මාළු බැදලා කෑවොත් වෙන වින්නහිය අදවත් ඔබ හරියටම දැනගන්න.
මාළු බැදල කෑවොත් වෙනදේ මෙන්න
පලතුරු, එළවලූ සහ මාළු යනු සෞඛ්‍ය සම්පන්න ආහාරයි. නමුත් ඔබ මාළු බැදලා අනුභව කරනවානම් එය තවදුරටත් සෞඛ්‍ය සම්පන්න ආහාරයක් නොවෙන බව හොඳින් මතක තබාගන්න. මෑතකදී සිදුකරනු ලැබූ අධ්‍යයනයකින් සනාථවී තිබෙන පරිදි, සතියකට දෙවරක් බැදපු මාළු අනුභව කරන පුද්ගලයින්ට හදිසි ආබාදය එසේත් නොමැති නම් ආඝාතය කියන බරපතල සෞඛ්‍යය තත්වය ඇතිවීමේ වැඩි අවදානම් තත්වයක් පවතිනවා.
සතියකට දෙවතාවක් මාළු අනුභව කිරීමට නිර්දේශ කර තිබුනත්, ඒවා සකස් කරන ආකාරය පිළිබඳව ඔබ වඩාත් සැළකිලිමත් වියයුතුයි. ආඝාතය කියන තත්වයද ඇතුළුව තවත් රෝගී තත්වයන් රැුසක් ඇතිවීම සඳහා හේතුවන්නේ වැරදි ආහාර රටාවයි.
අධි කොලොස්ටරෝල් මට්ටමක් ඇති ආහාර අනුභව කලොත් මොලයට රුධිරය සැපයෙන රුධිර වාහිනී අවහිර වෙන අතර, ඒ හේතුවෙන් ස්නායු සයිල විනාශ වීම සහ හර්දරෝග වැනි තත්වයන් ඇතිවෙන්නට පුළුවන් බව හොඳින් මතක තබාගන්න.
අධ්‍යයනයන් මගින් පෙන්වාදෙන පරිදි, සතියකට දෙවරක් බැදපු මාළු අනුභව කරන පුද්ගලයින්ට හදිසි ආබාදයක් ඇතිවීම සඳහා සියයට 32ක පමණ වැඩි අවදානම් තත්වයක් පවතිනවා. වැරදි විදියට මාළු පිසුවොත්, එහි ඇති වටිනා තෙල් කොටස් ගිලිහී යන බවද විශේෂඥයෝ පවසති.
උදාහරණයක් විදියට ගත්තොත්, ඔමේගා 3 මේද අම්ල වලින් පොහොසත් සැමන් මත්ස්‍යයින් බැදීමේදී එහි වටිනා තෙල් කොටස් විනාශ වී යනවා.අතර්ජාලයෙන් උපුටා ගැනීමකි
ඔබේ බිරිඳව කාමයට පොලබවාගන්න නිවැරදි විදිය දන්නවද? මෙන්න විස්තරේ කියවලාම බලන්න.
ප්‍රීතිමත් විවාහයකට අවශ්‍යතම වැදගත් කරුණු 3ක් බ්‍රිතාන්‍යය කළ සමීක්ෂණයකින් හෙළි වෙයි. පොදුවේ එය අපටද අදාළ වෙයි. පළමුවනැන්න අවංකකමයි. දෙවැන්න සාකච්ඡා සම්මුතිය යි. එනම් එකඟතාවයි. අනෙක් කරුණ සෑම දෙයකම පාහේ දෙකක් බැඟින් තීබීමයි. විශේෂයෙන් රූපවාහිණී දෙකක්, මෝටර් රථ දෙකක්, සහ වැසිකිළි දෙකක් වශයෙනි.
විශ්වාසවන්තකම, හාස්‍යය විද දරාගැනීමේ සංවේදීතාව සහ අවංකකම යහපත් සබඳතාවකට වඩාත් වැදගත්ම කරුණු 3 වශයෙන් නිරීක්ෂණය කර තිබේ. තවත් කරුණු කිහිපයක් කල්පවත්නා ආදරයට අත්‍යවශය වේ.
"ඔබේ බිරිඳ කාමයට පොළඹවාගන්නේ කෙසේද ?" නමින් නවතම ග්‍රන්ථයක් එළි දැක්වීම සඳහා පවත්වන ලද මෙම සමීක්ෂණයට අඹු සැමි යුවළ 2000 ක් එක් කරගෙන තිබිණ.
ඔවුන් සියලුදෙනාම පාහේ සඳහන් කර ඇත්තේ මුල් කරුණු 2 කට අමතරව වෙනම වාහන දෙකක්, රූපවාහිණී දෙකක් හා වැසිකිළි දෙකක් ද ප්‍රීතිමත් විවාහ දිවියකට අත්‍යවශ්‍ය බවයි.
ඔවුන්ට පිළිතුරු දීම සඳහා හෝඩුවා 50 ක් ලැයිස්තුගත කර තිබිණ. අඛණ්ඩ ලිංගික සබඳතාවට එම ලැයිස්තුවේ හිමිවී ඇත්තේ 20 වැනි ස්ථානයයි. නිති පතා වැළඳගැනීම් හා තුරුළු කරගැනීම්ද නිර්දේශිතය.
රාත්‍රී නින්දට කළින්, උදෑසන, නිවසින් පිටවී යාමේදී එකිනෙකා සිපගැනීම්, ඉද හිට ප්‍රේම චමත්කාරයෙන් වෙළුණු අදහස් පළ කිරීම්, ඔහු හෝ ඇය තමාගේ හොඳම මිතුරා වශයෙන් සැලකීම, මා පිය රාජකාරි බෙදා ගැනීම, විනෝදාංශවල නිරත වීම ආදියද නිතිපතා ලිංගිකව එක්වීමද ලේඛනයේ පළමු 20 ඇතුළත් වෙයි.
තර්ක විතර්ක සමඟ සහ විශ්මයට පත්කිරීමේ ත්‍යාගයක් පිරිනමමින් කිසි විටෙකත් නින්දටනොයාමද ප්‍රීතිමත් යුග දිවියට අදාල කරුණු 50 ට ඇතුලත් වෙයි
අතර්ජාලයෙන් උපුටා ගැනීමකි
කොලෙස්ටරෝල් හැදිලද කියලා දැනගන්නේ මෙහෙමයි මේ දේවල් හරියට කරොත් කොලෙස්ටරෝල් කවදාවත් හැදෙන්නේ නෑ.
කොලෙස්ටරෝල් - Cholesterol අද දවස වෙනකොට අම්මා- තාත්තා ගානට අපේ කටට දිවට හුරු පුරුදු වචන ගොන්නෙන් එකක්. Blood test එකක් ECG එකක් නොකරපු කෙනෙක් බෙහෙතකටවත් හොයාගන්න බැරි, එහෙම එකකට භාජනය නොවිච්ච කෙනෙක් වදෙන් පොරෙන් බලෙන් හරි පරීක්ෂණාගාරෙකට යවන සමාජයක ඉංග්‍රීසි නමක් තියෙන ලෙඩක් හැදෙන එකත් වාසනාවක් කියල හිතන්න ගොඩක් දෙනා පුරුදු වෙලා. ලෙඩෙක් වුණොත් රජකම ලැබුණත් වැඩක් නෑ කියල හිතපු සමාජයක අපි අරුමෝසම් ලෙඩරෝග පොදිබැදගෙන චැනල් සෙන්ටර් ගානේ නෑගම් යන්නෙ දහසින් බැදි පියලි තෑගිත් අරගෙන. වසරකට ලෝකය පුරා ලක්ෂ 171 ක් බෝ නොවන රෝග වලින් මියැදෙද්දි අපේ රටෙනුත් සැලකිය යුතු පිරිසක් එයට ඇතුළත් වෙනවා. කොලෙස්ටරෝල් වලින් මිය යන පිරිසත් අයත් වෙන්නේ ඒ ගොඩට.
ආයුර්වේද ක්‍රමයට පැහැදිලි කරනවානම් මේක ''මේධෝවෘද්ධි'' නමින් හදුන්වන අතීතයේදිත් පැවති රෝගයක්.''මේධෝවෘද්ධි'' යන්නෙහි අර්ථය නම් අනවශ්‍ය මේද කොටස් රුධිර නාල වල තැන්පත් වීමක් යන්නයි. මෙයම විවිධ පොත් වල පිත්තාශ්ම, පිත්තස්ථෝල ලෙසත් දක්වලා තියෙනවා. ශරීරයේ පැවැත්මට අවශ්‍ය මූලික සංඝටක වලින් එකක් තමයි මේද. හැම දේහ සෛලයකටම තම තමන්ගේ ක්‍රියාකාරීත්වය පවත්වාගෙන යන්න මේද අවශ්‍ය වෙනවා. අපි පොඩ්ඩක්වත් මේද අඩංගු නැති ආහාර විතරක්ම අනුභව කළත් අපේ ශරීරයට අවශ්‍ය මේද ප්‍රමාණයෙන් 65% දක්වා නිපදවා ගන්න අපේ අක්මාවට හැකියාව තියෙනවා. මේද අවශ්‍යතාවයෙන් ඉතිරි 35% පුර්ණය කරගන්න තමයි අපි මේද සහිත ආහාර ගත යුත්තේ.
ඒත් අපේ වැඩි දෙනා උදේ ඉදන් රෑ වෙනකම් කන මේදය අධික ආහාර පාන කන්දරාව දිහා බැලුවාම ශරීරයට දෛනිකව අවශ්‍ය මේද ප්‍රමාණයට වඩා හතරපස් ගුණයක්වත් ආහාරයට ගන්නා බව සත්‍යයක්. මෙහෙම අතිරික්තව ලැබෙන මේද කොටස් කෙලින්ම මුදාහැරෙන්නේ රුධිරයට. ඒත් රුධිරයේ දී මේ මේද කොටස් දියවෙන්නේ නෑ. ඒවා රුධිර නාල වල තැන්පත්වෙනවා.එසේ තැන්පත් වන මේද කොටස් තුනකට බෙදෙනවා. ඒ සංතෘප්ත මේද (LDL) , අසංතෘප්ත මේද (HDL) හා VLDL ලෙස. මෙයින් අසංතෘප්ත මේද තැන්පත් වීමෙන් අපිට හානියක් වෙන්නේ නෑ. හානියක් වෙන්නේ අනෙකුත් දෙවර්ගයේ මේද වැඩිපුර තැන්පත් වීම මත. එමගින් රුධිර නාල අවහිර වී රුධිර සංසරණය අඩාල වීම මත කෙනෙක් "මේධෝවෘද්ධි" රෝගියෙක් බවට පත්වෙනවා. හැබැයි බඩේ ඉඩට දිවේ රසට අවනත නොවී හිතල මතල කෑම ගත්තොත් මේ රෝගයෙන් මිදෙන්න අපි කාටත් පුළුවන්. මතක තියාගන්න- හොදට මහන්සි වෙලා වැඩ කරන හොදින් දහඩිය පිටකරන කෙනෙක් මේද සහිත ආහාර ගත්තට "මේධෝවෘද්ධි" රෝගියෙක් වන්නට ඇති ඉඩකඩ අවම බව.)
මෙම කොලෙස්ටරෝල් අවදානම ට ලක්වෙච්ච බොහෝදෙනා රෝග තත්වය උච්ච ස්ථානයට එනකම් තමා රෝගියෙකු බව දැනගෙන ඉඳල නැතිවීම වෛද්‍යවරු විදියට අපි හොදට දැකල තියෙනවා. අනෙත් බොහෝ භයානක රෝගවලට සාපේක්ෂව "මේධෝවෘද්ධි" වලදි පිටතට දැනෙන ලක්ෂණ එතරම් ප්‍රබල නෑ. ඒ නිසා ඒවා නොතකා හරින අවස්ථා වැඩියි. වැලමිට , පිටි අල්ල, දණහිස, ඇස් යට කහ පැහැ ලප කැලැල් මතුවෙනවානම්- වරින් වර ඇගේ තැනින් තැන හිරිවැටෙනවා නම්, සාමන්‍ය ප්‍රමාණයට වඩා දහදිදිය ගලනවානම්, ඇසේ කළු ඉංගිරියාව වටා සුදු පැහැ රවුමක් ඇති වෙනවානම් ඇගේ තැනින් තැන මේද ගැටිති එනවා නම් ඒ "මේධවෘද්ධි" ලක්ෂණ විය යුතුයි. එසේම හෘදයේ සිට වම් අත දෙසට ගමන්කරන වේදනාව ද "මේධවෘද්ධි" ලක්ෂණයක්. මේ බාහිර ලක්ෂණ වලට අමතරව අක්මාව හා ප්ලීහාව විශාල වීමද සිදුවෙනවා. (ප්ලීහාව යනු සියලුම පෘෂ්ඨවංශිකයන්ගේ පාහේ ඇති අවයවයකි. එය විශාල වසා ගැටිත්තක ව්‍යුහයට සමානකම් කියයි. එය ප්රධාන වශයෙන්ම රුධිර පෙරහනක් සේ ක්‍රියා කරයි. මෙම අවයවය ඉවත්කිරීමට අවශ්‍ය වුවහොත් එය ජීවිත අවදානමකින් තොරව සිදු කල හැකිය. මෙය රතු රුධිර සෛල හා සුදු රුධිර සෛල කෙරෙහි විශේෂ කාර්යභාරයක් ඉටු කරයි. ප්ලීහාව පැරණි රතු රුධිර සෛල ඉවත් කර යකඩ ප්‍රතිචක්‍රීකරණය කරයි. එමගින් රුධිරයේ ඔක්සිජන් මට්ටම නියතව තබා ගැනීමට හැකි වේ.) ඊට අමතරව කොලෙස්ටරෝල් නිසා හෘදයාබාධ, අධිරුධිර පීඩනය, ආඝාත තත්වයන් (Stroke) ඇතිවිය හැකියි. දැනටමත් දියවැඩියාවට හෝ වකුගඩු ආසාදනයකට ලක්වූ අයෙකුට කොලෙස්ටරෝල් අවධානම ඉතා වැඩියි.
රෝගයේ මුල් මට්ටම් වලදි වගේම අවධානම් මට්ටමකදි වුණත් ආයුර්වේද ක්රමය ගැන විශ්වාසයෙන් ආයුර්වේද වෛද්‍යවරයෙකු ගාවට එන රෝගියෙකු සුවපත් කිරීමේ හැකියාවක් ඇති ප්‍රතිකාර විධි වලින් ආයුර්වේදය පොහොසත්. හැබැයි ආයුර්වේද ප්‍රතිකාර වලට යොමුවෙන රෝගියෙකු තමන්ගේ අවදානම් තත්වයෙන් ගැලවිලා නිට්ටාවට සුව වෙන තෙක් එක හිතින් ප්‍රතිකාර සමග බද්ධ වී සිටිය යුතුයි. ආයුර්වේදයේ දී ප්‍රතිකාර කරන්නේ රෝග නිධානයට මිසෙක රෝග ලක්ෂණ වලට නෙවෙයි. රෝග නිධානය ඉවත් කරල නැවැත රෝගය මතුවීම අත්හිටුවීම වැලැක්වීම තමයි වෛද්‍යවරයාගේ වගකීම. කොලෙස්ටරෝල් වලදි පළමු බෙහෙත් වඩියෙන්ම රෝග පාලනය ආරම්භ කරල එතැන් ඉදල මාස දෙකක් තුළ රෝගියාව සාමාන්‍ය මට්ටමට ගේන්න ආයුර්වේද ක්‍රමයේ ප්‍රතිකාර වලින් පුළුවන්. ප්‍රතිකාර ගන්න බොහෝ දෙනා කරන වරදක් තමයි මෙන්න මේ අවස්ථාවෙදි ප්‍රතිකාර ගන්න එක නවත්තලා 'දැන් මට හොදයි' කියල ආයෙත් පරණ පුරුදු විදියට පාලනයකින් තොරව ආහාර අරන්, නිසි විහරණ පවත්වා නොගනිමින් අන්තනෝමතිකව කටයුතු කිරීම.ඒ නිසා වෙන්නේ නැවත වරක් සතියක් දෙකක් තුළ ප්‍රතිකාර ආරම්භ කරපු අවස්ථාවේ මට්ටමට රෝගය උත්සන්න වීම.අද නිදහස් වුණු ඔබ හෙට දවසෙ ආයෙත් ඒ අගාධයට වැටෙන්න සූදානම් නෑ නේද?
එතැනදි ආයුර්වේදයටවත් වෛද්‍යවරයාටවත් දොස් කියල වැඩක් නෑ. තමන්ට ජීවිත කාලය පුරාවටම විදවන්න වෙන රෝගයකින් මිදිල සාමාන්‍ය මට්ටමට පත්වෙලා ජීවිතය විදින්න ලැබෙන අවස්ථාව අපතේ නොහැර තමන්ගේ ආහාර පාලනය කිරීම සහ නිසි විහරණ පිළිපැදීම තවත් මාස හය හතක් වත් කර ගත්තොත් කොලෙස්ටරෝල් තත්වය නිසා වෙහෙසට පත්ව අඩපණ වුණු අක්මාව, ප්ලීහාව වගේ ඉන්ද්‍රියයන් නැවත යථා තත්වයට පත්වෙලා නිසි කියාකාරී මට්ටමට ගේන්න පුළුවන්. ඊළගට එම ආහාර පාලනය කිරීම සහ නිසි විහරණ පිළිපැදීම තවත් මාස හය හතක් කරගෙන යනකොට රෝගියාගේ වෛද්‍යවරයා සමග සාකච්ඡා කරල තරමක් ලිහිල් ඇවතුම් පැවතුම් රටාවකට ගියාට වරදක් වෙන එකක් නෑ. කොහොම වුණත් ප්‍රතිකාර නවත්වා වසර දෙකක් තුනක් යනකම් මාස දෙකකට වතාවක් වත් වෛද්‍ය පරීක්ෂණයකින් කොලෙස්ටරෝල් තත්වය මැනගෙන ඔබේ ආයුර්වේද වෛද්‍යවරයාවත් තත්වය පිළිබද දැනුවත් කරන්න. ඔබ ක්‍රමයෙන් නිරෝගී බවට පත්වෙන ක්‍රමාංකයන් දැන හදුනාගන්නා ඔහුත් ප්‍රතිකාර ලබාගන්නා විට ඔබගෙන් ලද මුදලින් ලැබුවාට වඩා සුන්දර නිරාමිස සතුටකින් සංතෘප්ත වේවි.
කොලෙස්ටරෝල් වලදි භාවිතයට හිතකර හා අහිතකර ආහාර ගැන කතා කලොත් එහෙම මෙන්න මෙහෙමයි. මේ අහිතකර ආහාර භාවිතයට නොගැනීම හෝ අවමව භාවිතයට ගැනීම කොලෙස්ටරෝල් අවධානම නැති කෙනෙකුට එයින් මිදීමේ අවස්ථා ඇති කරාවි. අධිකව තෙල්, සීනි, පිටි වෙන වෙනම හෝ මිශ්‍රව සැකසූ ආහාර, ක්ෂණික ආහාර, එළුමස් , ඌරැ මස් හා හරක්මස්, මීකිරි හා යෝගට්, පොල්, රටකජු හා කජු, පීකුදු හා බිත්තර, චීස්, බටර් හා මාගරින්, බිත්තර, එළගි තෙල් හා සෝස්, සොසේජස්, එළවළු තෙල් ආහාර අපත්‍ය ආහාර විදියට දක්වන්න පුළුවන්. පොල් හා පිරිසිදු පොල්තෙල් රෝගය වැළදුනු කෙනෙකුට අහිතකර වුණත් නොවැළදුනු කෙනෙකුට වැළදීමේ අවදානමක් ඇති කරන්නේ නෑ. පත්‍ය හෙවත් සුදුසු ආහාර විදියට ගන්න පුළුවන් දේවල් අතර නිවුඩු තැම්බූ හාලේ බත්, අළුත් එළවළු හා පළතුරු, පලා වර්ග, කුඩා මාළු හා මේද රහිත කිරි, කුරහන් පිටි සහිත ආහාර, පරළු පාන් ඉදිරියෙන්ම තියෙනවා. ඒවගේම ආහාර පිසීමේදි තිබුණොත් යොදන එහෙමත් නැත්නම් නොදාම ඉන්න බැරි කරපිංච නැට්ටට, ගොරොක් අණ්ඩට රුධිර නාලගත මේදය දියකර හැරීමේ අරුම පුදුම බලයක් තිබෙන බව අමතක කරන්න එපා. ඒ නිසාම ආහාර පිසීමේදි යොදාගන්නා කරපිංචා, සුදුලූණු, රතුළූනු , කුරුදුපොතු, උළුහාල්, කොත්තමල්ලි, ගොරකා වැඩිවැඩියෙන් යොදාගැනීමත් හොදයි. දිනකට සුදුලූණු, රතුළූනු ගෙඩි දෙක තුනක් අනිවාර්යයෙන් කෑමත්, කරපිංචා, ගොරකා, සුදුළූණු, ගම්මිරිස්, ලුණු කැටයක් පමණක් අඹරපු ලුණු මිරිස්, කරපිංචා දළු සම්බෝලය, දෙහි ඇඹුල් දාපු තෙඹු කොළ සම්බෝලයක් දවස ගානේ මාරුවෙන් මාරුවට කෑමත් කොලෙස්ටරෝල් පලවාහැරීමට කියාපු අත්බේත්. වෙල් තම්පලා. මෑ කොළ, දඹල කොළ, ජපන් බටු කොළ (සමහර පැතිවල ආඩිබටු) මැල්ලුමට එකතු කිරීමත් හැදුනු නොහැදුනු දෙගොල්ලටම හොදයි.
ඒ අතරම ශරීරයේ කොලෙස්ටරෝල් මට්ටම ක්ෂණිකව අඩු කරගන්න ඕන නම් කලින් සකසා ගත් වියළූ නැටි සහිත කරපිංචා කොල කුඩුකර කෝපි මෙන් බීමත්, බත් සමග ගිරිතිල්ල කොල සම්බෝලය කෑමත් අත්දුටුවයි සත්‍යයයි. පාවට්ටා කොල වියලා කුඩුකර කෝපි මෙන් බීමත්, සතියකට වරක් වෙනිවැල්ගැට තම්බා බීමත් ඔබව අවධානමෙන් ගලවා තබා ගැනීමට අත්බේත් කරගන්න පුළුවන්. දිනපතා පැය දෙකක් වත් දහදිය දමන කය වෙහෙසෙන වැඩක යෙදීමත් , සක්‍රීය හා අක්‍රීය දුම්පානයෙන් මිදීමත් ,මත්පැනින් ඈත්වීමත් කොලෙස්ටරෝල් අවදානම ඔබෙන් පලවාහැරීමට මහත් සේ උපකාරී වේවි. ඊට අමතරව කොලෙස්ටරෝල් නිසා හෘදයාබාධ, අධිරුධිර පීඩනය, ආඝාත තත්වයන් ඇතිවිය හැකියි. දැනටමත් දියවැඩියාවට හෝ වකුගඩු ආසාදනයකට ලක්වූ අයෙකුට කොලෙස්ටරෝල් අවධානම ඉතා වැඩියි. කාන්තා පාර්ශවයට වයස 40න් පමණ සිදුවන ඔසප් නැවතීමෙන් පසු කොලෙස්ටරෝල් මට්ටම ඉහල යාමේ අවධානමක් පවතින බව දැනුවත් වීමත් හොදයි.
කරුණු කාරණා ගොඩක් වගේ වුණාට මේවා බොහොම සරල, සම්ප්‍රදායික, දෛනික ක්‍රමවේදයන්ට පහසුවෙන් අන්තර්ගත කළ හැකි ප්‍රායෝගික ක්‍රියාකාරකම් එකතුවක්. මොහොතින් මොහොත අළුත්වෙන ලෝකය දකින්න තව එක දවසක් හරි වැඩිපුර ජීවත් වෙන්න උත්සහ කරන්න. සම්ප්‍රදාය රැකීම මිසෙක සම්ප්‍රදාය බිදීම ජීවිතයට පාර නොකියන බව තෙරුම් ගන්න. ජීවිතය විදින්න. සොබාදහම සමග මිස එය අභිබවා නොයන්න.
උපුටා ගැනීම - වෙද හාමිණේගේ අඩවිය
වර්තමාන සංකීර්ණ ආහාර රටාවන් නිසා වැළඳිය හැකි නිසිසේ හඳුනා ගැනීමට පවා අපහසු වන තීව‍්‍ර රෝග තත්වයන්ට යෙදෙන කෘත‍්‍රීම රසායනික ඖෂධයන් හේතු කොට ඇති විය හැකි කායික සංකූලතාවන් මග හරවා ගැනීමට වඩාත් ප‍්‍රයෝජන වන්නේ ස්වාභාවික ශාකෞෂධ යන්ය.
ඉහත දක්වා ඇති රෝග හේතු වලින් වැඩි හරියක් මෙම නාගරික සමාජයේ සාමාජිකත්වය තුලින් දැකගත හැකිවේ. ඒ නිසාම ඇතිවන තරබාරු කම නිසා සිරුරේ වැඩි වන බර උසුලා සිරුර නිරෝගීව පවත්වා ගැනීමට දනහිස් සන්ධියට හා වළලූකර සන්ධියට වැඩි ආතතියක් දැරීමට සිදුවේ. රෝග නිධානය පැත්තක තිබියදී සන්ධි ගත රෝග ඉපදීමට එම තත්ත්වය පමණක් වුවද හේතු විය හැකිය. මෙවැනි අවස්ථාවක අපට සිරුරේ බර අඩු කිරීමෙන් පමණක් සන්ධිගතව ඉපිද ඇති රෝග තත්ත්වය සුවවේ යැයි කිසිසේත් අපේක්‍ෂා කළ නොහැකිය. ඒ සඳහා තරබාරුකම අඩු කිරීම හා සමගමී වන ප්රතිකාරයක් අවශ්‍යය.
රුධිරනාලගත මේද (කොලෙස්ටරෝල්) තත්ත්වය ක්රමාණුකූලව අඩු කර ගැනීමට ද රුධිර සංසරණ පද්ධතියේ ඇතිවිය හැකි ව්‍යාකූලතා අවම කර ගැනීමටද රුධිර පීඩනය අඩු හෝ වැඩිවීමේ රෝගී තත්ත්වයන් වළක්වා ගැනීමටද සන්ධිගත වාත රෝගය ජය ගැනීමටද මැදිවිය පෙනි පෙනී අධික තරබාරුව මග හරවා සිරුරේ බර ක්රමාණුකූලව අඩුකර කරදරයක් නැතිව සැහැල්ලූවෙන් සිරුර පවත්වා ගැනීමටද, සිරුරේ අභ්‍යන්තරයේ බැඳෙන තෙල් සහ මේද තට්ටු, සිරුර අවලස්සන වීම, අනවශ්‍ය ලෙස මාංශ පේශී වර්ධනය වීම, සිරුරේ ක‍්‍රමානුකූල හැඩය වෙනස් වීම ආදී විවිධ උපද්‍රව වලක්වා සෞඛ්‍යාරක්‍ෂිතව සිටීමටද, මේදස් රෝගයෙන් වැලකී සිටීමට ලෙඩ ගොඩකට මං සලසන කොලෙස්ටරෝල් තත්වයන්ගෙන් මිදීමට ඒ සියල්ලමත් සමග අලස කමක් නැතිව කායදැශූර කඩිසර දෛනික පැවැත්මට ගතට සිතට එකසේ වද දෙන සන්ධි ගත වාත රෝග පාලනය කිරීමට හා වැළැක්වීමට ඔබට සහාය වීම සඳහා අපේම වන ගහනයෙන් සීරුවෙන් තෝරා බේරාගත් ශාකෞෂධ වලින් යුත් ඉපැරණි අත්දුටු පාරම්පරික වට්ටෝරුවකට අනුව සංයෝග කළ ඉතා විශ්වාසදායි ඖෂධීය පානයක් වන ග්ලූටියෙලා ආයුර්වේදීය හර්බල් ඹෟෂධීය පානය ඉතා යෝග්‍ය ඔසුවකි. ග්ලූටියෙලා ආයුර්වේදීය හර්බල් ඹෟෂධීය පානය නියමිත පරිදි නියමිත කාල සීමාවක් නොකඩවා ගැනීමෙන් ඉහත දැක්වුනු සියළු සහනයන් ලබා ගත හැකිවේ. ක්රම ක්‍රමයෙන් නහරගත කොලෙස්ටරෝල් - cholesterol දියවීයාමෙන් පටන්ගෙන මාංශපේශීන් දක්වා ඉතා ක්රමාණුකූලව ක්‍රියාත්මකවේ.
ග්ලූටියෙලා ආයුර්වේදීය හර්බල් ඹෟෂධීය පානය නිපදවා ඇත්තේ ස්ථූලතාවය හෙවත් තරබාරුව අඩු කර ගනිමින්ම සන්ධිගත ප‍්‍රදාන වේදනා ඉදිමුම් ආදිය සමනය කර සෞඛ්‍ය සම්පන්න ජීවිතයක් සඳහා එල්ලකෙරෙන ඹෟෂධ සංයෝගයක් වශයෙනි.
ග්ලූටියෙලා ආයුර්වේදීය හර්බල් ඹෟෂධීය පානය ආයුර්වේද බෙහෙත් වලින්ම පමණක් නිෂ්පාදනය කර ඇත. වියලි කරපිංචා, හීංමිදි මුල්, ගොරකා, නෙල්ලි, කෙලිඳසාල්, මගුල්කරඳ මුල් වලින් පමණක් නිපදවා ඇති මෙම පානය කෘතීම රසකාරක හෝ වර්ණක කිසිවක් යොදා නැත. 100% ස්වාභාවික ඖෂධ පමණි.
කැළණි විශ්ව විද්යාලය, වික්‍රමආරච්චි ආයුර්වේද පීඨයේ භාහිර කථිකාචාය්‍යර්‍, ශ්‍රී ලංකා වෛද්‍ය මහා මණ්ඩලයේ සම්මානණීය ගරු සභාපති,
සීමාසහිත මෙඩිහර්බ්ස් (පෞද්ගලික) සමාගමේ අධ්‍යෂක
වෛද්‍යාචාය්‍යර්‍ එම්. ආර්. වත්තගේ
දුරකථන: 0718285672 / 0382285429
අතර්ජාලයෙන් උපුටා ගැනීමකි
නිර්මාංස අයට මහත අඩු කරගන්න පහසුයි මෙන්න මහත් වීම අඩුකර ගන්න සරල වැඩ ටිකක්.
ඉදුණු පලතුරු කෑමත් අගුණයි
අධික තරබාරුව කියන්නේ පුද්ගලයකුගේ පෞරුෂත්වයට මූලිකවම බලපාන දෙයක්. අධිකතරබාරුවට බලපාන හේතු අතර ආහාර රටාවට හිමි වන්නේ සුවිශේෂී ස්ථානයක්. මේ නිසාඅපි ඒ පිළිබඳ වැඩි අවධානයක් යොමු කළ යුතුමයි.
• අධික තරබාරුවට කැලරි අධිකව අඩංගු පිෂ්ටය, මේදය හා පැණි රස වැඩි ආහාර ද හේතු වේ.
• දෛනිකව අප ගන්නා ආහාරවල වැඩි කොටස මේදය ලෙස සම යට අනාගත අවශ්‍යතාව සඳහා තැන්පත් වේ.
• වැඩිපුර ව්‍යායාම වැනි කාර්යයන් කිරීමේදී එම මේදය කොටස් දහනය වේ. එලෙස නොවුණහොත් මේදය වර්ධනය වී අධික තරබාරු බව ඇති කරවයි.
• අධික තරබාරුවට අධික කැලරි ප්‍රමාණ අඩංගු වන ආහාර හේතු වන නිසා ආහාරසැකසීමට පෙර අප ගන්නා ආහාරවල ඇති කැලරි ප්‍රමාණය පිළිබඳ දැනුම්වත් වීමවැදගත්ය.
පහත දැක්වෙන්නේ එදිනෙදා අප ගන්නා ආහාර වර්ග කිහිපයක අඩංගු කැලරි ප්‍රමාණයයි.
ආහාරය කිලෝ කැලරි ප්‍රමාණය (100ඨ අඩංගු)
බත් 345 – 350
පරිප්පු 340
කඩල 350 නිවිති 360
ගෝවා 27
කැරට් 47
ලූනු 59
අර්තාපල් 97
රාබු 17
වම්බටු 24
බණ්ඩක්කා 73
තක්කාලි 20
මල් ගෝවා 30
රටඉඳි 290
කජු 590
තල 600
පොල් 600
ආමන්ඩ් 655
රට කජු 649
කොත්තමල්ලි 288
කහ 349
රතු මිරිස් 246
කෙසෙල් 79
දෙහි 42
අඹ 70
ගස්ලබු 70
ඇපල් 55
පේර 51
ෙදාඩම් 40
මාළු 111
බිත්තර 173
මස් 194
මී කිරි 60
එළඟිතෙල් 900
සීනි 400
• නිර්මාංශ පුද්ගලයන්ට තරබාරු බවින් මිදීම පහසු වේ. නමුත් මොවුන්ට වියළිකජු, ආමන්ඩ්, රටකජු, බටර්, එළිකිරි, එළඟිතෙල් ආදිය ආහාරයට ගැනීම නුසුදුසුය.
• කුසගින්නේ ප්‍රමාණයට පමණක් ආහාර ගැනීමද වැදගත්ය.
• මස්, මාළු අනවශ්‍ය ලෙස ආහාරයට නොගන්න. (ආහාරයට ගැනීම වරදක් නැත) නමුත් මේවා පිස ගැනීමේදී එළඟිතෙල් හා බටර් නොදමන්න.
• තේ කෝපි වැනි දෑ සීනි අඩුවෙන් හා කිරි රහිතව නිතර පානය කළද වරදක් නැත.
• දිනකට වතුර වීදුරු 12ක් වත් පානය කරන්න.
• ආහාර පිසීමේදී රසකාරක අල්පව එක් කිරීමට වගබලා ගන්න.
• ආහාර සැකසීමට එළඟිතෙල්, එළවළු තෙල්, බටර් හා මාගරින් නොදමන්න.
• හාතවාරිය කොළ කැඳ පානය, ගෝවා, කැරැට්, බීට් රූට්, මල් ගෝවා, සලාද කොළ, පිපිඤ්ඤා, තක්කාලි, ලීක්ස්, රාබු ආදිය නිතර ගැනීමද තරබාර බව අඩු කරවයි.
• බත් පිෂ්ටය හා කැලරි බහුල ආහාරයක් නිසා බත් අල්පව හා එළවළු වර්ග අධිකවද ආහාරයට ගැනීම වඩාත් සුදුසුයි.
• පලතුරු ගන්නා විට අමු පලතුරු තෝරා ගැනීමට උනන්දු වන්න.
(ඉදුණු පලතුරු පැණි රස අධික නිසා එය තරබාරු බවට හේතු වෙයි.)
• අධික තරබාරු අයට කෙඳි සහිත ආහාර ගැනීම ඉතා යෝග්‍යයි. මේ නිසා දූරියන්, කෙසෙල්, ගස්ලබු, ෙදාඩම්, පෙයාර්ස්, අලිගැටපේර, රතුමිදි ආදිය ආහාරයට ගතහැකිය..
අතර්ජාලයෙන් උපුටා ගැනීමකි
රට මිරිස් කෑවොත් සිදුවන දේ හිතාගන්න පුළුවන්ද? හේතුව දන්නවනම් ඔබ හැමදාමත් කයි.
නූතන ලෝකයේ ලෙඩ රෝගයක් නොසෑදුනු පුද්ගලයෙක්ව සොයා ගැනීම ඉතාමත් අපහසු ක‍්‍රියාවකි. මෙම රට මිරිස් භාවිතා කර හිසේ කැක්කුම, නින්ද නොයාම, අධි රුධිර පීඩනය හා රුධිර පීඩනය අඩු වීම වැනි රෝග සදහා සහනයක් ලබා ගත හැකි වේ.
ඔබට හිසේ කැක්කුම සුව කර ගැනීම සදහා රට මිරිස් භාවිතා කල හැකි වේ. හිසේ කැක්කුම නින්ද මදිකම, ඇල්කොහොල් පානය කිරීම, ශරීරය වියලීම, මන්දගාමී රුධිර සංසරණය වැනි දෑ මගින් ඇති වේ. ඔබට මෙම තත්වය මග හැර ගැනීම සදහා සැර 40000 UH වඩා අඩු වන රට මිරිස් පරිභෝජනය කිරීමට හැකි වේ. මේ සදහා තේ හැදි 3 සිට මේස හැදි 6 දක්කවා මාත‍්‍රාවක් දිනපතා පරිභෝජනය කරන්න.
තවද ඔබට රට මිරිස් භාවිතා කර ලේ වහනය වීමද නතර කරගැනීමට හැකි වේ. ඔබ මේ සදහා සිදු කලයුත්තේ අඹරා ගත් රට මිරිස් ලේ වහනය වන තුවාලය මත ආලේප කිරීමයි. මෙමගින් ඔබගේ ලේ වහනය ඉතා සුළු මොහොතකින් නතර වනු ඇත. නමුත් ඔබට මෙහිදී දැවිල්ල විද දරා ගත නොහැකිනම් රට මිරිස් ආශ්වාස කිරීමෙන්ද මෙම අරමුණ සපුරා ගත හැකි වේවි. මෙම සත්කාරය
සිදුකල පළමු අවස්ථාවේදීම ඔබට සුවයක් දැනෙනු ඇත. ඔබ මේ සදහා සිදු කල යුත්තේ උණු ජලය අඩංගු භාජනයකට රට මිරිස් තේ හැන්දක් දමා හොදින් හුමාලය ඇල්ලීමයි. ඔබට මෙහිදී කිවිසුම් ගියත් මෙය ඔබට ඉතාමත් ඵලදායි වනු ඇත.
රට මිරිස් තුල අන්තර්ගත වන “Capsaicin” යන සංයෝගය මගින් පුරස්ථි ග්රන්ථි තුල ඇතිවන පිළිකා ෙසෙල නැසීමට හැකි බව ඔප්පු වී ඇත. තවද මෙම “Capsaicin” යන සංයෝගය මගින් පෙනහළු පිළිකා ෙසෙල නැසීමට සහ ලියුකේමියා රෝගය සුව කිරීමටද හැකියාවක් ඇත.
ඔබටත් මෙවන් ආකාරයේ සෞඛ්‍යමය ගැටළු තිබේනම් ඔබ කල යුත්තේ රට මිරිස් අනුභව කිරීමයි. එමගින් ඉතා කෙටි කලක් තුල ඔබට ප‍්‍රතිඵල අත්කරදී ඔබව මවිතයට පත් කරාවි.
අතර්ජාලයෙන් උපුටා ගැනීමකි
වේගයෙන් හිස කෙස් වවා ගමුද? මෙන්න අදහාගන්න බැරි විස්මිත අත්බෙහෙත ඔබට නිවසේදීම හදාගන්න පුළුවන්.
කෙස් කළඹ කාන්තාවන්ගේ සුන්දරත්වය ඉස්මතු කරන ප්රධාන අංගයක් කියලා ඔයාලා දන්නවනේ’ නමුත් කෙස් කළඹ ආකර්ෂ”ය පෙනුමක් ඇති කලත් එය පවත්වාගෙන යාම සහ ගැටළු නිමක් නැනේ’ කෙස් පිළිබද සුලබ ගැටළු කීපයක් නියෙනවා’ හිසකෙස් වර්ධනය අඩු වීම” වියළි හිස්කබල” කෙස් සුදුවීම සහ හිස්සොරි මින් ප්රධාන වේ’
ඔන්න අද අපි කියලා දෙන්නේ කරපිංචා යොදාගෙන කෙස් කලඹට පෝෂණයක් ලබාදෙන සරල නමුත් විශ්මිත ක්රම කීපයක් ගැන’
ඉස්සෙල්ලම බලමු කරපිංචා වල ගුණ ගැන’
කරපිංචා ඔබගේ කෙස් නීරෝගී සම්පන්නව වර්ධනය සඳහා අතවශ්‍ය වන බොහෝ පෝෂක අඩංගු වේ’ එහි අඩංගු ඇමයිනෝ අම්ල හා ප‍්‍රතිඔක්සිකාරක මගින් කෙස් වැටීම අඩු කර කෙස් ශක්තිමත් කරයි’ ඇමයිනෝ අම්ල කොණ්ඩය තුනී වීමද අඩු කරයි’ කරපිංචා වල අඩංගු බීටා- කැරොටින් සහ ප්‍රෝටීන ද පෝෂණය ලබා දෙමින් ” කේශ වැටීම වලක්වයි’
හිස කෙස් වලට කරපිංචාවල බලපෑම
1 හිස කෙස් වැටීම වලක්වයි’
2 හිස කෙස් මුල් ප‍්‍රතියුවීකරණය කරයි’ හානිවූ කෙස් අලූත්වැඩියා කර ශක්තිමත් කරයි’
කරපිංචා ෂැම්පු
කරපිංචා කොළ කෝප්ප භාගයක්
වතුර කෝප්පයක්
විනාඩි 2ක් වතුර මද ගින්නේ රත්කර ගන්න’
කරපිංචා එකතුකර දිගටම රත් කරන්න’ එවිට වතුර කොළ පාට වී කරපිංචා කොළ මෘදු වේ’
දැන් මෙය නිවෙන්නට හැර පෙරා ගන්න’
මෙම ජලය හිසේ ආලේප කර විනාඩි 15 ජ් 20ක් මසාජ් කරන්න”
සතියට දෙවරක් මෙලෙස කරන්න’ කෙස් වැටීම අඩුවී කෙස් වර්ධනය ඉක්මන් වේ’
කරපිංචා සහ කොහොඹ
කරපිංචා කොළ 7 ජ් 8
කොහොඹ කොළ 7 ජ් 8
සියඹලා කුඩු තේ හැදී 3
යෝගට් තේ හැදී 3
සියලූ දේ බ්ලෙන්ඩරයට දමා හොදින් අබරා ගන්න’ මෙම පල්පය හිසේ ගලවා මසාජ් කර විනාඩි 20 සිටින්න’ මෘදු ෂැම්පු එකකින් සෝදා හරින්න’ හිස සෝදන විට පාවිච්චි කරන්න’ මසකින් හොද ප්‍රතිපල ලබා ගත හැකියි’
කරපිංචා සහ උළුහාල්
- කරපිංචා කොළ කෝප්ප භාගයක්
- උළුහාල් මේස හැදී 2
- වතුර කෝප්පක්
සියලූ දේ බ්ලෙන්ඩරයට දමා හොදින් අබරා ගන්න’ මෙම පල්පය හිසේ ගලවා පැය 2ක් සිටින්න’ මද උණු වතුරින් සෝදා හරින්න ‘ අවශ්‍ය නම් මෘදු ෂැම්පු එකක් පාවිච්චි කරන්න’ සතියකට වරක් මෙසේ කිරීමෙන් දිදුලන නිරෝගී කෙස් කළබක් ලබා ගත හැකියි’
කරපිංචා තෙල් එකක් ලෙස
- පොල් තෙල් කෝප්පක්
- කරපිංචා කොළ 7 ජ් 8
කුඩා කෝප්පයකට පොල්තෙල් සහ කරපිංචා දමා එම කෝප්පය වතුර පිරවූ ලොකු කෝප්පයක මත තබා ලිපේ තබා රත් කරන්න’ පොල්තෙල් කොළ පාට වෙනකම් මෙහෙම රත්කරන්න’ කලූපාට අවශේෂ ඉතුරුවුනත් එයද හිසේ අලේප කරන්න ගන්න’ සතියට දෙවරක් පාවිච්චි කිරීමෙන් සුදු කෙස්” කෙස් වැටීම සහ හිස්සොරි කරදර නැති කරගන්න පුළුවන්’
මේ හැම දේටම අමතරව ඔයාලට කරපිංචා ආහාර වලට එක් කිරීම මගින්ද ගුණ ශරීරයට එකතු කර ගන්න පුළුවන්’
අතර්ජාලයෙන් උපුටා ගැනීමකි
පුස් කාපු ආහාර ඔබ කෑවොත් ඔබට මෙන්න මේ මාරාන්තික රෝග හැදෙනවා මේ ගැන ඔබ දැනුවත් වෙන තරමට හොදයි.
බොහෝ පුද්ගලයන් නොදැනුවත්වම විෂ සහිත පුස් වර්ග ශරීර ගත වීම සිදු වෙනවා’ මෙම පුස් වර්ග නිහඩ මාරයෙක් වගෙයි’ ඒවා ඔබගේ ගෙබිමේ වර්ධනය වෙන්න පුළුවන්” බිත්ති එකතු වෙන කොන් වල වර්ධනය වෙන්නත් පුළුවන්” බිත්ති වල හෝ ඔබ භාවිතා කරන අහාර වල වර්ධනය වෙන්නත් පුළුවන්’
මෙම පුස් ශරීර ගත වීම නිසා විවිධ ලෙඩ රෝග වලට ඔබ භාජනය වෙන්න පුළුවන්’ මෙම විෂ සහිත පුස් ගිලීමෙන් ” ඇල්ලීමෙන් හෝ හුස්ම ගැනීමෙන් ඔබගේ ශරීර ගත වෙන්න පුළුවන්’
සමහරවිට මෙම පුස් වර්ග නිසා ඇති වන රෝගාබාද වෛද්‍යවරුන්ට පවා අදුන ගැනීම අපහසු වෙනවා’ එම නිසා මේවා ශරීර ගත වීම භයානකයි’
සමහර පුස් වර්ග වලින් විෂ සහිත මයිකොටෝක්සින් නම් රසායනය මුදා හරිනවා මෙම රසායනය ඉවත් විනාශ කල හැකි නමුත් එය ඉතා අපහසු කටයුත්තක්’ මෙම රසායනය ඔබගේ ජීවත් වන පරිසරය ලී බඩු මෙන්ම ඇදුම් ආදියද දුෂණය කරනවා’
මෙම දරුණු විෂ ද‍්‍රව්‍ය ශරීර ගත වූ පසු ඔබගේ ශරීරයේ හන්දි වලට” ස්නායු වලට සහ ප්රතිශක්තිකරණ පද්දතියට හානි කරනවා’ එමගින් ඔබගේ සිතුවිලි වලට” සිතීමේ හැකියාවට සහ ඔබගේ ජීවිත කාලයටද හානි සිදු විය හැක’
නමුත් මෙම විෂ ද‍්‍රව්‍ය නිසා ඇති වන රෝග ලක්ෂණ වෙනත් රෝග කිහිපයක් නිසා ඇති වන රෝග ලක්ෂණ හා සමාන කමක් දක්වන නිසා අදුන ගැනීම ඉතාමත් අපහසුයි’ නමුත් පහත රෝග ලක්ෂණ ඔබට තිඛෙනවා නම් ඒ පිලිබදව සැලකිලිමත් වීම නුවනට හුරුයි’
මේ පුස් විෂ නිසා ඇති වන ප්රධාන රෝග ලක්ෂණයි
ෆඅහාර සංවේදීතාව
ෆහන්දිපත් රුදාව
ෆමූඞ් එක වෙනස් වීම
බර අඩු වැඩි වීම
පෙනීමේ දුර්වලතා
තෙහෙට්ටුව
ඔටෝඉමියුන් රෝග
හිසරදය
හිරි වැටීම
ප‍්‍රජනන ගැටළු
ශරීර වේදනාවන් ඇති වීම
පෙනහළු ගැටළු
නින්ද හා සම්බන්ද ගැටළු
ඔසප් ගැටළු
මෙම රෝග ගොඩක් කල් තිබුනොත් ඔබගේ ඇස් පෙනීමට” සමට” සහ පෙනහළු වලට මෙමගින් හානි සිදු වෙන්න පුළුවන්’
මේ දේවල් වලින් ගැලවෙන්න නම් ඔබ කරන්න ඕනේ ඔබ ගන්නා අහාර වල කල් ඉකුත් වීමේ දින ගැන හොදින් සොයා බැලීමයි’ එසේම ඔබගේ නිවාස තුල ඔබ ජීවත් වන පරිසරය සහ ඔබ පාවිච්චි කරන ඇදුම් ආදිය පිරිසිදුව තබා ගන්න’ හැකි සෑම විටම පිරිසිදු කරන්න’ එමගින් ඔබට සෞක්‍යසම්පන්න දිවියක් ගෙවීමට හැකියාවක් ලැඛෙනු ඇත’අතර්ජාලයෙන් උපුටා ගැනීමකි
ඔසප් රුධිරයේ පාටින් කියවෙන සෞඛ්‍යය රහස් මෙන්න.
මේ වගේ දෙයක් එලි පිට කියවන්න, තවත් අය සමග කියවන්න ගොඩක් ගෑනු ළමයි ලැජ්ජා වෙන්න පුළුවන්, ඒත් ඔබේ වාසනාවකට දකින්නට ලැබුණු මේ ලිපිය හොරෙන් හරි සම්පුර්ණයෙන්ම කියවලා බලන්න. මේකේ අඩංගු කරුණු ඔබට ගොඩාක් වැදගත් වෙයි.
ඔසප් වීම කියන්නේ කොයි කාන්තාවටත් අත් විඳින්නට සිද්ධ වෙන දෙයක්. සාමාන්‍යයෙන් වයස අවුරුදු 11ත් 16ත් අතර ආරම්භ වෙන මේක ඉවර වෙන්නේ වයස 50ක් පමණ වුනාට පසුවයි. ඒ කාලය පුරාම මාසයකට වරක් මේ අත්දැකීම ගන්න කාටත් සිදු වෙනවා. ඔසප් වීම කියන්නේ කොයි කාන්තාවටත් අභියෝගයක්, මේ කාලයේදී හැසිරීමේ, මනෝ භාවයන් වල වගේම ශරීරයේත් වෙනස්කම් බොහොමයක් සිද්ධ වෙනවා. මොන තරම් අපහසුවක් දැනුනත් අපි කවුරුත් උතුම් කොට සලකන මාතෘ පදවිය ලබා ගන්නට කාන්තාවකට හැකි වන්නේ මේ ඔසප් වීම සිදු වෙන කාලය තුලදී විතරමයි.
මේ කාලයට පිරිසිදු වී සිටීම මොන තරම් අපහසුද කියලා මේක කියවන හැම ගෑනු ළමයෙක්ම දන්නවා ඇති. ජිවිත කාලය පුරාවට ලස්සනට, පිරිසිදුවට වගේම සුවඳටත් ඉන්න කැමති කාන්තාවන්ට ඔසප් සමය කියන්නේ තමන්වම පිළිකුල් වෙන කාලයක්. සනීපාරක්ෂක තුවා සහ යට ඇඳුම් නිතරම මිල දී ගන්නට සිදු වීම වගේ මූල්‍යමය කරදර වගේම දවස පුරා දැනෙන අපහසුව, වේදනාව, ඒ නිසා එදිනෙදා ජීවිතය සාමාන්‍ය විදිහට ගෙවා ගන්න තිඛෙන අමාරුව කියන්න බැරි තරම්. ඕකටම ඉතින් තමන්ගේ අමාරුව තේරුම් ගන්න බැරිව ර්‍ණහිනා වෙන්නෙ නෑ, කතා කරන්නේ නෑ, දවසම ඔරවාගෙන ඉන්නවා” වගේ සැමියාගෙන්, පෙම්වතාගෙන් හෝ අනෙක් අයගෙන් ලැඛෙන නෝක්කාඩු එහෙමත් එකතු වුනාම ජීවිතෙත් එපා වෙන එක ඇත්තටම සාධාරණයි.
ඉතින් ඒ කාලෙට තමන්ගේ සෞඛ්‍ය ගැනත් හොයා බලන්න කිව්වාම ඔබට සමහර විට තරහාත් යයි. ඒත් මේ කාරණා ඉතා වැදගත් දේවල්. මුලින් මුලින් තමන්ගේ ඔසප් රුධිරය පරික්ෂා කිරීම පිළිකුල් සහගත දෙයක් කියලා දැනෙන්න පුළුවන්, හැබැයි එය ඔබේ ශරීර අභ්‍යන්තරය ගැන ඉතා හොඳ හෝඩුවාවක්. හැම දාම නිරෝගීව ඉන්න කෙනෙක් වුනත් ඔසප් සමයේ ඇති වෙන හෝර්මෝන වෙනස්කම් නිසා ලෙඩ වලට ගොදුරු වෙන්න තියන ඉඩ වැඩියි. ඒ නිසා අමාරුවෙන් වුනත් ඒ ගැන හොඳ පරීක්ෂාවකින් ඉන්න. ඒකෙන් ලොකු වියදමක් ඉතිරි කර ගෙන ලෙඩ රෝග කලින්ම අඳුනා ගන්න ඔබට පුළුවන් වේවි.
හැම මාසෙකටම සැරයක් ඔබේ ශරීරය ගැන ලැඛෙන මේ හෝඩුවාව පිළිකුල් දෙයක් විතරයි කියලා ඉවත් කරන්නේ නැතුව ටිකක් පරික්ෂාකාරී වෙලා එයින් ප්‍රයෝජනයකුත් ලබා ගන්න කැමතියි නේද එහෙනම්? මෙන්න ඔබට එකට පොඩි උදව්වක්.
ලා රතු - රෝස පැහැය.
ඔබේ සනීපාරක්ෂක තුවායේ දකින්නට ලැඛෙන්නේ ලා රතු හෝ රෝස පැහැයක් නම් එයින් එක දෙයක් ඉතා පැහැදිලියි, අද දවසේ ඔබේ රුධිර වහනය අඩුයි. දිනපතාම කාන්තාවකගේ යෝනි මාර්ගයෙන් පිට වෙන ශ්‍රාවය සමග මිශ්ර වන රුධිර පරිමාව අඩු වුනාමයි මෙහෙම වෙන්නේ. වෙනත් දවස් වලට වඩා ටිකක් පහසුවෙන් ඉන්නට මේ වගේ දවස් වල ඔබට පුළුවන් වේවි.
කොහොම වුනත් මේ විදිහේ රුධිර පැල්ලමක් ඔසප් නොවන කාලයේදි ඇති වුනොත් නම් ඒ ගැන වහාම පරික්ෂා කර ගන්න එක නුවනට හුරුයි. ඔබ හිතුවා හරි, ඒ දවස් වලට සනීපාරක්ෂක තුවා පළඳින්නේ නැති නිසා යට ඇඳුම් ගැනත් පරීක්ෂාවෙන් සිටීම අවශ්‍යයි. මෙවැන්නකට හේතුව ගැබ් ගැනීමක්, හෝර්මෝන සංකූලතාවයක් නිසා ඇති වන කඩින් කඩ රුධිර වහනයක් වෙන්න පුළුවන්. ඔබේ ශරීරයේ අභ්‍යන්තර තුවාලයක් සිදු වුනාමත් මෙය ඇති විය හැකියි. විශේෂයෙන්ම ලඟදී බඩට පහරක් වැදීම හෝ වෙනත් අනතුරක් සිද්ධ වුනා නම් ටිකක් කල්පනාවෙන් ඉන්න.
දීප්තිමත් රතු පැහැය.
ඉතා තද, දීප්තිමත් රතු පැහැයක් දකින්නට ලැඛෙනවා නම් එය සෑම විටම වගේ ඉතා හොඳ සලකුණක්, බොහෝ විට ඔබ ඉතාම සෞඛ්‍යමත්ව ජිවත් වන බව එමගින් හඳුනා ගන්නට පුළුවන්.
බොහෝ අවස්ථාවන් වල මේ විදිහට පෙනෙන රුධිරය වහනය වෙන්නේ දින කිහිපයයි, ඒ කාලය ඇතුලත ඔබේ ගර්භාශ බිත්තිය මත තැන්පත් වූ පේශීන් සියල්ලම ඉවත් වී ගලා යන රුධිරයත් අවසන් වෙනවා.
මේ දින ගණන මාසෙන් මාසෙට වෙනස් වීම ස්වාභාවිකයි, ඔසප් වීමක් දින දෙක තුනක සිට දින හතක් දක්වා වුනත් පවතින්න පුළුවන්. කොහොම වුනත් දවස් අටකටත් වඩා රුධිර වහනය වෙනවා නම් ඔබේ ශරීරයේ යම් සංකූලතාවයක් තියෙනවා වෙන්නට පුළුවන්. වහාම වෛද්‍යවරයෙක් හමු වන්න.
තද කුණු ලේ පැහැය.
ඔබට වැඩියෙන්ම රුධිර පිට වීම සිදු වන දවස් වලදී මේ වගේ තද කුණු ලේ පාටක් සහිතව, ලේ කැටි අධික ඔසප් වීමක් දැක ගන්නට පුළුවන්. විශේෂයෙන්ම ඔබේ ගර්භාශ බිත්තිය වැඩිම වේගයෙන් ඉවත් වෙද්දී තමයි මේ තත්වය ඇති වෙන්නේ. ඒ නිසා දෙවන හෝ තුන් වන දවසේදී මේ විදිහට දකින්නට ලැබීම සාමාන්‍යයි.
කොහොම වුනත් දිගටම මේ විදිහට රුධිර වහනය සිදු වීම නම් ගැටළුවක් වෙන්න ඉඩ තියෙනවා. රුධිර පට්ටිකා අධිකව ඉවත් වීම මෙයට හේතුවක් විදිහට මායෝ ක්ලිනික් හි දක්වා තිඛෙනවා.
ඒ වගේම ඔබ ගර්භණී නම් මාස්පතා ඔසප් වහනය සිදු නොවුනත් මෙවන් පැල්ලමක් යට ඇඳුම් වල තිබේදැයි පරීක්ෂාවෙන් සිටීම වැදගත්. විශේෂයෙන්ම මෙහි අළු පැහැති කැටිති දකින්නට ලැබීම මුල් අවධියේ සිදු වන ස්වභාවික ගබ්සාවක ලක්ෂණ විය හැකියි.
තැඹිලි - රතු පැහැය.
ඔබේ ඔසප් රුධිරය තැඹිලි- රතු පැහැයක් ගන්නවා නම් ඒ ගැන පරික්ෂාකාරී වෙන එක වැදගත්. ගොඩක් වෙලාවට ඊට හේතුව මුත්‍රා හා යෝනි ශ්‍රාවය සමග ලේ මිශ්ර වීම වෙන්නට ඉඩ තියෙනවා, නමුත් එය වෙනත් ගැටලූවකට පෙර නිමිත්තක් වෙන්නත් පුළුවන්.
විශේෂයෙන්ම යෝනි මාර්ගයේ හෝ ගර්භාෂයේ සිදු වන ආසාදනයක් මෙයට හේතු වෙන්නට ඉඩ තිඛෙනවා. ඉතාම අප්‍රසන්න ගඳක් වහනය වීමත් මෙහි තවත් ලක්ෂණයක්. මේ වගේ තත්වයක් ඇති වුනොත් කල් නොයවා වෛද්‍ය ප්‍රතිකාර ලබා ගන්න අනිවාර්යයෙන්ම.
තද දුඹුරු - කළු පැහැය.
මේ පාටට තියෙන ලේ දැක්කම ගොඩක් ගැහැණු ළමයි භය වෙන්නට ඉඩ තියෙනවා, ඒත් මේක ඇත්තටම ඉතා සාමාන්‍ය තත්වයක්.
මේ වගේ පාටින් ඔසප් රුධිරය වහනය වෙන්නේ කල් ගිය ලේ සෙමින් සෙමින් එලියට පැමිණීම නිසායි. පසුගිය ඔසප් සමයේදී පිට නොවී ඉතිරි වූ රුධිර කැටි හෝ හෝ මෙවර ඔසප් සමය ආරම්භයේම පහ වූ වියළුණු ලේ මේ විදිහට දකින්නට ලැඛෙන්න පුළුවන්. 99%ක්ම අවස්ථාවලදී මේ තත්වය සම්පුර්ණයෙන්ම සාමාන්‍ය දෙයක්, කිසිම විටක බය වෙන්නට අවශ්‍ය නැහැ.
කොහොම වුනත් දින ගණනක් මේ විදිහට පවතිනවා නම් වෛද්‍ය උපදෙස් ලබා ගන්න, එය අභ්‍යන්තර ලේ වහනයක් වෙන්න පුළුවන්. විශේෂයෙන්ම තැඹිලි පැහැති හෝ කහ පැහැති ප්‍රදේශ මෙම පැල්ලම තුල තියෙනවා නම් එක ආසාදනයක ලක්ෂණ වෙන්නට ඉඩ තියෙනවා.
අධික ලේ වහනය.
බොහෝ කාන්තාවන්ට සමහර දවස් වලදී අධිකව ඔසප් රුධිරය වහනය වීම සිද්ධ වෙන්න ඉඩ තියෙනවා. මේක කෙනාගෙන් කෙනාට වෙනස් වුනත් බොහෝ වෙලාවට ඔසප් සමයේ මැද කොටසේදී තමයි මේ තත්වය වැඩිපුර ඇති වෙන්නේ.
ඉතින් දෙවන තුන් වන දිනයන් වලදී ඔබේ රුධිරය බොහෝ සෙයින් වහනය වුනාට ඒක ගැටළුවක් වෙන්නට ඇති ඉඩ අඩුයි. ඔබේ ගර්භාශ බිත්තිය නියම ක්‍රමයට ඉවත් වන බව එයින් දැක්වෙනවා.අතර්ජාලයෙන් උපුටා ගැනීමකි
කැළැල් වලින් තොර පැහැපත් මුහුණක් ලබාගැනීමට නම් මෙන්න එකම ස්වභාවික ප‍්‍රතිකාරය.
කහ වලට කුරුලෑ නැති කිරීමේ”කුරුලෑ කැළැල් ඉවත් කිරීමේ”සම වයසට යාමේදී ඇතිවන රැුලි ඉවත් කිරීමේ හැකියාව ඇති අතර වියලි සම සඳහා ඉතාමත් යෝග්‍ය වේ’විශේෂයෙන්ම කහ භාවිතා කරගනු ලබන්නේ සම පැහැපත් කරගැනීමටයි’සමේ විවිධත්වයට අනුව වර්ගීකරණය කරන ලද මෙම ආලේපනය මුහුණ සම්පූර්ණයෙන්ම ආවරණය වන පරිදි ගැල්විය යුතු වේ’
මෙම ආලේපනයන් වලට ප්රධාන වන්නේ කහ හා යෝගට් වේ’සමේ විවිධත්වය අනුව එයට පැණි”එළවලූ තෙල්”කෝමාරිකා සාරය යනාදිය එක් කරගත හැකියි’ පහත දැක්වෙන්නේ සමේ තත්වයට අනුව අනුමත කරන ලද ආලේපන වර්ගයි
සාමාන්‍ය සම සහිත මුහුණට
අවශ්‍ය ද්‍රරව්‍ය
⦁ යෝගට් මේස හැඳි 1ක්
⦁ කහ කුඩු මේස හැඳි 1/2ක්
⦁ දෙහි බින්දු කිහිපයක්
ක්රමය
ඉහත සඳහන් ද‍්‍රව්‍ය සියල්ලම එකට මිශ්ර කර පිරිසිදු කරගත් මුහුණ මත ආලේප කර මිනිත්තු 30ක් තබා සෝදා හරින්න’
තෙල් සහිත මුහුණට
අවශ්‍ය ද‍්‍රව්‍ය
⦁ කෝමාරිකා සාරය
⦁ කහ කුඩු මේස හැඳි 1/2ක්
⦁ මී පැණි මේස හැඳි 1/2ක්
⦁ යෝගට් මේස හැඳි 1ක්
ක්රමය
ඉහත සඳහන් ද‍්‍රව්‍ය සියල්ලම එකට මිශ්ර කර පිරිසිදු කරගත් මුහුණ මත ආලේප කර මිනිත්තු 30ක් තබා සෝදා හරින්න’
වියලි මුහුණට
අවශ්‍ය ද‍්‍රව්‍ය
⦁ කහ කුඩු මේස හැඳි 1/2ක්
⦁ ඔබට කැමති තෙල් වර්ගයකින් මේස හැඳි 1/2ක් (පොල් තෙල්”ඔලිව් තෙල් වැනි)
⦁ යෝගට් මේස හැඳි 1ක්
ක්රමය
ඉහත සඳහන් ද‍්‍රව්‍ය සියල්ලම එකට මිශ්ර කර පිරිසිදු කරගත් මුහුණ මත ආලේප කර මිනිත්තු 30ක් තබා සෝදා හරින්න’
දින 3කට වරක් මෙම ආලේපනය යොදන්න’සමෙහි ගැටළු ඇති අය උදාහරණ ලෙස අධික ලෙස පැල්ලම්”කුරුලෑ ආදිය තිබේ නම් දිනකට වරක් වාගේ නිතරම භාවිතා කරන්න’මෙම ආලේපනය ගැලවීමට පෙර උණු වතුරෙන් හොඳින් මුහුණ සෝදා හරින්න’
අතර්ජාලයෙන් උපුටා ගැනීමකි
මේ ගැනත් සිතන්න ඇඳ යට මෙට්ටය යට කඩදාසියක්වත් තියන්න එපා.
ඇඳ සහ සඳ අතර මෙලෝ සම්බන්ධයක් නැත’ එහෙත් ~ ” චන්දන මල් අතුරා ඇති යහනට - කන්ද කපා පායන් රන් පුන් සඳ ”’~ යැයි අමරදේව සූරීහු ගයති’ මින්දද හී සර වැදී ඇති මුත් සිහින කුමරිය පේන තෙක් මානයක නැත’ මෙහි සඳ යැයි කියන්නේ අනාගත බිරියට ය’ ඇය තවම හමු නොවූ නිසා සොවින් තැවෙන මානවකයෙක් තනි යහනේ හිඳිමින් හූල්ලයි’ ඒ කතාව එහෙමය’
තවත් කෙනෙක් ඇඳේ පැත්තක තම බිරිය වැතිර සිටියදීත් වහලේ පරාල ගණන් කරමින් යට ලීයෙන් නාරිලතා මල් පූදින තුරු අසහනයෙන් රැය පහන් කරයි’ අර තනිකඩ තරුණයාටත් වඩා මේ විවාහකයා අතෘප්තිමත් ය’ මෙහෙම වෙන්නේ ඇයි ? නිකමට ඇඳ යටට එබිලා බලන්න’ හට්ටි මුට්ටි පෙට්ටි කළගෙඩි පිරිලා නේද”? ඇඳ යට තියෙන ලට්ට ලොට්ට පුස් කනවා වගේම එවැනි ඇඳක් උඩ නිදා ගන්නා කෙනෙකුගේ ජීවිතය ද පුස් බැඳුණු දර කොටයක් හා සමාන වන්නේ යැයි ජ්‍යොතිෂයේ ඉගැන්වෙයි’
ඇඳේ උඩ හා සමානව ඇඳ යට ද ඉතා පිරිසුදු විය යුතු ය’ ඒ කෙතරම් ද කිවහොත් කඩදාසි කැබැල්ලක් වත් නො තිබිය යුතු ය ‘ මේ ජ්‍යොතිෂ - වාස්තු නියමය කඩ කෙරෙන විට රෝගීබව ” අසහනය ” අකලට මහලුවීම ” අවාසනාව ” අපේක්ෂාභංගත්වය ” ගෘහ ජීවිතයේ ගැටුම් ” සහ විවාහකයන්ට නීරසභාවයත් අවිවාහකයන්ට දිගින් දිගට ම විවාහ ප්‍රමාදයත් ඇති කෙරේ’ මේ තරම් බරපතළ උපද්‍රව ඇති කිරීමට ඇඳ යට තියෙන ලට්ට ලොට්ට ටිකකට පූළුවන් ද කියා ඔබ මවිත වූවා නම් ඒ මවිතය තවත් වැඩි කරමින් කියන්නට සිදුවන්නේ කෙනෙකුගේ ජීවිතය සම්පූර්ණයෙන් කාලකණ්ණි කිරිමට සහ දිවි තොර කිරීමට පවා නිදන ඇඳ හේතුවන බවයි’
නිවෙසේ අන් බොහෝ තැන්වලට වඩා නිදන ඇඳ යට පොළොවේ තෙතමනය සහ අඳුරු ස්වභාවය අධික ය’ අන් තැන්වලට වඩා හිරු එළිය සහ වාතාශ්‍රය ඇඳේ යටට ලැඛෙන්නේ අඩුවෙනි’ එසේ තිබිය දී එම ප්‍රදේශය ලට්ට ලොට්ට ආදියෙන් තවත් අවහිර කළොත් හිරු එළියට සහ නැවුම් වාතයට ඒ හරහා ගමන් කිරීමට හැකි වන්නේ නැත’ ප්‍රතිඵලය වන්නේ ඇඳ යට නරකාදියක් නිර්මාණය වීමය’ මිලියන සංඛ්‍යාත බැක්ටීරියා ” දිලීර (පුස්) වර්ග අධිවේගයෙන් වැඩෙන්නට ගනී’ ඒ මත විසකුරු කෘමීහු පෝෂණය වෙති’ පියවි ඇසට නො පෙනෙන නමුත් මේ විෂ ඇඳේ කකුල්වල සිට ඉහළට සෑම තැනෙක ම බෝවේ’ කෙතරම් පිරිසුදු ඇඳ ඇතිරිලි කොට්ට මෙට්ට දැමුවත් පැය දෙක තුනකින් ඒ සියල්ල ආක්‍රමණය කැර ඒවා කිලිටි කිරීමට මේ ක්ෂූද්‍ර ජීවිහු යුහුසුලු වෙති’ කෙනෙකු අඩුම තරමින් පැය 6 ක් වත් අඛණ්ඩව නිදන ඇඳ මත කාලය ගෙවන අතර ඒ මුළු කාලයේදී ම ඔහු ශ්වසනය කරන්නේ රෝග කාරක සහිත වායුවයි’
එහි විපාක කායික සහ මානසික යන දෙ අංශයෙන් ම කෙටිකාලීනව සහ දිගුකාලීනව බලපෑම් කරයි’ නිදන ඇඳ යට කඩදාසි කැබැල්ලක් වත් නොතිබිය යුතු යැයි ඉහත සඳහන් කෙළේ රුපියලේ කාසියක තරම් ඉතා සුළු ඉඩක පවා නරකාදියක් නිර්මාණය වන හෙයිනි’ නරකාදිය නමැති වචනයේ තේරුම මේ අවස්ථාවේ ම වටහා ගැනීම වැදගත් ය’ අර්ක යනු සූර්යයා හඳුන්වනු ලබන සම්භාවනීය ජ්‍යොතිෂ යෙදුමකි’ ප්‍රඥාව සහ යහපත් ජීවිතය හට ගන්නේ මේ අර්ක හෙවත් සූර්යා නිසා ය ‘ න ¤ අර්ක යනු සූර්යා නැති තැනය ‘ එනම් ප්‍රඥාව සහ යහපත නැති තැනය’ මේ න¤ අර්ක සිංහලෙන් නරක ය හෙවත් නරකාදිය වී තිබේ’ අපායට හිරු පායන්නේ නැත’ දැන් බලන්න ඔබේ නිදන ඇඳ යටට හිරු එළිය නො වැටෙන්නේ නම් ඔබ ජීවත්වනේ අපායක නේ ද ?
නිදන ඇඳ පමණක් නොව ගෘහ භාණ්ඩ තබා ඇති ආකාරය අනුව හිරු එළිය නො වැටෙන අඳුරු අහුමුලු නිවෙසේ තවත් තැන්වල නිර්මාණය වී තිබේ නම් ඒ සෑම තැනක් ම අපායකි’ ඇතැම්හු කෝටි ගණන් වැය කැර නිවාස තනති’ මිලියන ගණන් ගෙවා ගෘහ භාණ්ඩ ගෙනෙති’ හැබැයි ඒවා නිසි ලෙස ස්ථානගත කිරීමේ ශාස්ත්‍රය නො දනිති’ අල්මාරියක දොර පියන් විවෘතවන දිසාවන් ගැන පවා වාස්තු නීතී පවතී’ නිවෙසක් තැනීමේදී පමණක් නොව ගෘහ භාණ්ඩ ස්ථානගත කිරීමේදීත් වාස්තු නීති පිළිපැදීම ඉතා වැඩදායක ය’ නිවෙස ඇතුළත ඊසාන දිසාවේ මාළු ටැංකියක් හෝ ජලය සහිත මල් පෝච්චියක් හෝ වැනි දෙයක් තිබේ නම් එය එතැනින් ඉවත් කරන්න’ එවිට නිවෙස පුරා මෙතෙක් නො පැවති සහනශීලී වාතාවරණයක් ගොඩනැගෙන අයුරු ඔබට ම අත්හදා බැලිය හැකිය’ මෙවැනි ඉතා සුළු වෙනස්කම්වලින් ලැඛෙන ප්‍රතිඵලය සුළුපටු නොවේ’ ඒවා පසුවට තබා යළිත් ඇඳට ම යමු’
නිදන ඇඳ යට සම්පූර්ණයෙන් ම නිදහස්ව සහ වියළිව තිබීම අත්‍යවශ්‍ය වන්නා සේම නිදන කාමරයේ දොර ජනේල විවෘත කැර ඉතා හොඳින් හිරු කිරණ වැටෙන්නට සැලැස්විය යුතු ය’ එමගින් සිදුවන්නේ විෂබීජ විනාශ කිරීම වැනි සරල දෙයක් පමණක් නොවේ’ හිරු හැමවිටම අපට ගෙන එන්නේ ප්‍රති ජීවනය යි’ හිරු රැස් දෝතක ඇති බලය සහ සංඝටක ප්‍රමාණය අති මහත් ය’ ඇඳ ඇතිරිලි කොට්ට මෙට්ට යනාදිය ඉතා ආශාවෙන් හිරුගේ ශක්තිය උරා ගෙන ප්‍රබෝධවත් වේ’ ඒ මත වැතිරෙන ඔබ ද ප්‍රබෝධයෙන් නිදා ගන්නවා පමණක් නොව ඊටත් වඩා සුව පහසුවෙන් අවදි වේ’ මේ වෙනස අත්දකින්නට එක් ක්‍රමයක් තිබේ’ කොට්ට උර දෙකක් ගෙන ඉන් එකක් රෙදි සෝදන මැෂිමට දමා එයින් ම වියළා ගන්න’ අනෙක් උරය සෝදා අව්වේ දමා වියළා ගන්න’ ඔබ නිදා ගන්නා විට වැඩිම සුව පහසුවක් සහ ප්‍රබෝධයක් ගෙන දෙන්නේ අව්වේ දමා වියළා ගත් කොට්ට උරයෙනි’
ඒ වෙනස ඇති වූයේ හිරු කිරණ සතු ප්‍රති ජීවන ශක්තිය නිසා ය’ කොට්ට මෙට්ට ඇඳ ඇතිරිලි යනාදිය අව්වේ දමා වියළා ගැනීම හුදු පිරිසුදු කිරීමක් පමණක් නොවන බව දැන් පැහැදිලි වන්නට ඇති’ ආහාර ” ජලය ” වාතය යන මේ තුනෙන් නරක් වූ විට වැඩිම විපත ගෙන එන්නේ වාතය යි’ එමෙන් ම නො කෑවොත් නො බීවොත් නරක් වූ ආහාරයට හෝ ජලයට හෝ අපට විපත් පැමිණවිය නො හැක’ එහෙත් වාතය නරක් වුවහොත් නිරායාසයෙන් ඒවා අපේ සිරුරට ඇතුළුවේ’ ඇඳ යට හෝ නිවෙසේ අහු මුලුවල රැඬෙන වාතය පල් වේ’ පුස් ගඳ ලෙස දැනෙන්නේ එයයි’ වාස්තු විද්‍යාවේදී බරපතළ ම දෝෂ ලෙස සැලකෙන්නේ ද නිවෙසේ ජීව ශක්ති සංසරණයට බාධා පමුණුවන මෙවැනි කරුණු ය’ නිවෙසේ සෑම තැනෙකට ම හිරු එළිය සහ වාතය ගමන් කළ යුතු ය’ හිරුරැස් හොදින් පතිතවන කිසිම තැනෙක වාතය පල් වන්නේ නැත’ සූර්ය තාපය නිසා රත්වන වායුවේ අණු පරමාණු ඒවායේ බන්ධන ලිහිල් කොට ගෙන ඉහළට නඟින නිසා නිතර ම නිවෙස පිරිසුදු කෙරෙනවා පමණක් නොව එය යළි යළි ප්‍රති ජීවනයට ලක්වේ’ නිවෙසේ අන් තැනෙකට වඩා මේ ක්‍රියාවලිය වඩාත් ම වුවමනා වන්නේ නිදන කාමරයට ය’
ඇඳ යට පමණක් නොව මෙට්ටය යට පවා කිසිවක් ම නො තිබිය යුතු ය’ ඇතැම් අය තනි ඇඳවල් දෙකක් එකට යා කොට යුගල ඇඳක් සාදා ගනිති’ මෙය කිසිසේත් ම නො කළ යුත්තකි’ සිංගල් දෙකක් ඩබල් එකක් නො වන්නා සේම එයින් හටගන්නා එකම සන්තෑසිය නම් කරදර ඩබල් වීම පමණි’ සමහරුන් වැඩි සුව පහසුව පිණිස හෝ පරණ මෙට්ටය විසි කිරීමට ලෝබකම නිසා හෝ පරණ මෙට්ටය උඩට අලුත් මෙට්ටයක් දමා ගනී’ මෙය ද නො කළ යුතු ම දෙයකි’ කොට්ට දෙකක් එකපිට එක දමා නිදා ගැනීම ද අහිතකර පුරුද්දකි’ ඇඳ ඇතිරිලි ඉතා බර සහ ගොරෝසු ඒවා නොවිය යුතුවාක් මෙන් ම හැකිතාක් ඒවා සුදු හෝ සුදු පැහැයට සමීප වර්ණයන් ගෙන් යුක්ත විය යුතු ය’ තද වර්ණ ” කළු ර්‍ණරතු ” දුඹුරු ” තද නිල් යනාදීය නිදන ඇඳට ඉතා අහිතකර ය’ නිදන කාමරයේ බිත්තිවලට ද එකී වර්ණ යෝග්‍ය නොවේ’ මීට හේතු වන්නේ ආලෝක වර්ණාවලිය ” එහි පරාවර්තනය සහ මිනිස් සිරුර අතර හට ගන්නා සංකීර්ණ සම්බන්ධය යි’ සුදු ඇඳ ඇතිරිල්ලක් මතට මදුරුවෙක්වත් සමීප වන්නේ නැත’ එහෙත් කළු හෝ තද පැහැති ඇඳ ඇතිරිල්ලක් දමා බලන්න’ මදුරුවන් එහි රොද බඳින හැටි ඔබට ම දැකිය හැකිය’
ඔබේ නිදන ඇඳේ හිසට කෙළින් හෝ ඒ හරහා හෝ දැව කොන්ක්‍රීට් ලෝහ යන බේදයක් නැතිව පරාලයක් ” කුරුපාවක් යට ලීයක් ” කණුවක් ” පිය ගැට පෙළක් වැනි දෙයක් තිබේ නම් එම බාධකය පන්නා ඇඳ ස්ථානගත කළ යුතු ය’ මෙහි සරල නියමය නම් නිවෙසේ බර දරා සිටින කිසිවක් යට නිදා නො ගත යුතු බව යි’ ඊට හේතුව දැන ගැනීමටවුවමනා වන්නේ ඉතා ම සරල සාමාන්‍ය භෞතික විද්‍යා දැනුමක් පමණි’ එවැනි බාධකයක් යට නිදා ගන්නා හැම විටම ඔබේ සිරුර හරහා අසාමාන්‍ය බරක් ගමන් කරයි’ එය විපත් රැසකට මුල පිරීමකි’ ඕනෑම නිදන කාමරයක කන්නාඩි මේසයක් වරදින්නේ නැත’ එහෙත් නිදන ඇඳ මත සිටින විට එම කැඩපතින් ඔබේ රුව පෙනෙන්නේ නම් නොවරදවාම එහි කෝණය වෙනස් කරන්’ නිදන ඇදේ සිටින්නාට තම රුව කැඩපතින් නො පෙනෙන ලෙස එය සකස් කළ යුතු ය’ දොර සහ ජනේලයකට ලම්බකව නිදන ඇඳ කිසිසේත් ම ස්ථානගත නො කිරිමට ද මතක තබා ගැනීම මැනවි’
නිදන ඇඳ ඕනෑම කෙනෙකුගේ චරිතය සහ පෞරුෂය විදහාපාන කැඩපතකි’ ඒ දෙක ම මනින්නේ ඇගේ මස් මාංස බර සහ උස මහත අනුව නොව මනසේ ශක්තිය සහ ඇවතුම් පැවතුම් අනුව ය’ උදේ අවදිවන පුද්ගලයා ඇඳ ඇතිරිලි ගසා දමා එය නැවත පිළිවෙළට සකස් කරන්නේ නම් ඔහු පරාර්ථකාමියෙකි ” කෙළෙහිගුණ දත්තෙකි’ අභ්‍යන්තර චිත්ත ශක්තියෙන් පොහොසත් තැනැත්තෙකි’ ලස්සන ඇඳක් ඇති තැනැත්තාට ලස්සන හිතක් තිබේ යැයි චීන කියමනක් ද තිබේ’ එවැනි කෙනෙකුට කන්ද කපාගෙන හඳ පායනතුරු හූල්ලන්නට සිදු වන්නේ ද නැත’
අතර්ජාලයෙන් උපුටා ගැනීමකි
කාන්තා ඔබේ සිරුරේ ඇති අනවශ්‍ය රෝම ඔබට කරදරයක් ද ? මෙන්න ශරීරයේ රෝම ස්ථිරව ඉවත් කරන ආයුර්වේද රහස්.
ස්ථිර වශයෙන්ම ශරීරයේ අනවශ්‍ය රෝම ඉවත්කරන ක්‍රමයක් ගැන අද මම කියාදෙන්න යනවා, විශේෂයෙන් රෝම නිසා මහත් අපහසුතාවයෙන් සිටින කාන්තාවන්ට මේ ලිපිය වඩාත් වැදගත් වෙයි. කාන්තාවන්ගේ ශරීරයේ රෝම වැඩීම පිරිමින්ට හාත්පසින්ම වෙනස්. ඔවුන්ගේ මුහුණේ හෝ ශරීරය පුරා වැඩි වශයෙන් රෝම වැවී තිඛෙනවා නම් එය අස්වාභාවිකයි. එය කාන්තාවන්ගේ ගැහැනුකම අවලස්සන කරනවා. සාමාන්‍යයෙන් කාන්තාවක් ලෙස අප දකින්නේ පිරිමින්ගේ සේ අධිකව රෝම වැවුණු ශරීරයක් නොවේ.
ශරීරයේ ඇති අනවශ්‍ය රෝම ඉවත් කිරීම සඳහා ඖෂධීය ප්‍රතිකාර ආයුර්වේදයේ දක්වා තිබේ.
මේ සඳහා දුර්ලභ ඖෂධ වර්ගත් භාවිත කරනවා. උදාහරණ වශයෙන් රන්හිරියල්” භාවිත කරනවා. මෙය දැඩි පාලනයකින් යුතුව නිකුත් කරනු ලබන විශේෂ ඖෂධයක්. මෙම ඖෂධය හා මුසුව වෙනත් ශාකමය ඖෂධ යොදා සාදාගනු ලබන විශේෂ ඖෂධ ආලේප කිරීමෙන් අනවශ්‍ය රෝම ඉවත් කරගත හැකි බව සඳහන් වේ. මේ සඳහාත් ඖෂධ වට්ටෝරු කීපයක් පිළියෙල කරගෙන එහි ඇති සාර්ථක අසාර්ථක බව ඔබටද දැකබලා ගත හැකියි.
• පලාශ අරටු (කෑල ගසේ අරටුව) පුලුස්සාගත් අළු හා රන්හිරියල් චූර්ණය සමව ගෙන අලු කෙසෙල් බඩය මිරිකා ගත් යුෂයෙන් අඹරා ආලේප කිරීමෙන් අනවශ්‍ය රෝම වැඩීම වැළකී ඒවා හැලීයයි.
ඉහත දැක්වූ පලාශ අරටු පිලිස්සූ අළු කොටස් 5ක්, නිල් මානෙල් අල කොටස් 5ක් හා රන්හිරියල් කොටස් 1ක් සමග මිශ්ර කර අලු කෙසෙල් බඩයේ යුෂයෙන් අඹරා දින 7ක් ආලේප කිරීමෙන් එම ස්ථානවල ඇති අනවශ්‍ය රෝම හැලේ.
• ඛෙලි ගෙඩියේ කටු පිලිස්සූ අළු, රන්හිරියල් චූර්ණය සමව ගෙන කෙසෙල් බඩයේ යුෂයෙන් අඹරා ආලේප කරන්න. දින 7ක් පමණ මෙසේ ආලේප කරන විට රෝම ඉවත් වේ
සැලකිය යුතුයි - ආයුර්වේද වෛද්‍ය වරයෙකුගේ උපදෙස් මත මෙය තනන්න
අතර්ජාලයෙන් උපුටා ගැනීමකි
සුද්ද වැසිකිලි යන ක්රමය වැරදියිලු මෙන්න වැසිකිලි යන්න ඕන නිවැරදි ක්‍රමේ.
බටහිර රටවල ජනයා තම මළපහ කිරීමේ ක්රමය සම්පුර්ණයෙන් වැරදි බව ජර්මානු ක්ෂුද්‍ර ජීව විද්‍යාඥවරියෙක් වන ගිවුලියා එන්ඩර්ස් පවසන්නීය. වැසිකිළයක වාඩිවී මළපහ කිරීම වෙනුවට ඇණ තියාගෙන එම කාර්යය කිරීම සුදුසුයැයි පර්යේෂණකින් තහවුරු වී ඇත.
මේ සම්බන්ධයෙන් ඇය විසින් ලියා zරමණීය බඩවැල්Z නමැති පොත ජර්මනියේ සති කිහිපයකින් විකි” අවසන් විය. එමගින් අන්ත්‍රයෙහි සෞඛ්‍ය සම්බන්ධ කරුණු ගණනාවක් ගවේෂණාත්මකව ඉදිරිපත් කැර තිබේ. මලබද්ධය සහ බැක්ටීරියාවන් ගැන එහි විස්තැර කැර ඇත. ඇය පවසන්නේ ජීර්ණක සෞඛ්‍යය මොළයේ පණිවිඩ වඩාත් හොඳින් පවත්වාගෙන යාමටත් මානසික සෞඛ්‍ය මට්ටම පවත්වාගැනීමටත් හේතුවන බවයි. මේ සඳහා මළ පහකිරීමේ ප්‍රායෝගික කරුණු ද වැදගත් බව පර්යේෂණ කණ්ඩායම පවසයි.
ක්ෂුද්‍ර අණුක විද්‍යාව විෂය කරගනිමින් ෆ්‍රැන්ක්ෆර්ට් හි තම ආචාර්ය උපාධිය සඳහා සුදානම් වන එන්ඩර්ස් පවසන්නේ ඉඳගනිමින් මළපහ කිරීම සම්පූර්ණයෙන් වැරදි සහගත බවයි. ඉඳගනිමින් මලපහ කිරීමේ හේතුවෙන් ආසියා රටවලට වඩා බටහිර රටවල වැසියන්ගේ බඩවැල්වල අර්ශස් ඇතිවීමේ ප්‍රවණතාව වැඩි බව ද ඇය පෙන්වා දෙයි.
පර්යේෂණයට අනුව ඉඳගෙන මෙම ක්‍රියාව කිරීම හේතුවෙන් අන්ත්‍රයේ කෙලවර පටක මිරිකි මළපහ පිටවීම සෞඛ්‍යයට හිතකර නැත. ඒ අනුව නිවැරදි ක්රමය වන්නේ ඇණ තියාගෙන මළපහ පිට කිරීමයි.
අපගේ අන්ත්‍රය බොකුටුව පිහිටා තිබීම හේතුවෙන් ඉඳගෙන සිටින විට සහ නැගිට සිටින විට එය සම්පූර්ණයෙන් විවෘත නොවේ. ඇණ තියාගෙන මළපහ කිරිමේදී යෙදිය යුතු පීඩනය ස්වාභාවිකවම අවම වීමෙන් පහසුවෙන් අන්ත්‍රයේ අවසන් කොටස තුලින් බාහිරට නිකුත් වන බවයි. ඉඳගෙන මෙම කාර්යය කිරීම වඩා ශිෂ්ඨ සම්පන්න බව බටහිර ජාතීන්ගේ සිත්තුළ කාවැදී තිඛෙන කරුණකි.
පර්යේෂකයන් පවසසන්නේ වාඩිවී මළ පහ කිරීමට පුරුදු වූ අයට ඇණ තියාගෙන මළ පහ කිරීම අසිරු කරුණක් බවයි.
ලංකාදීප ඇසුරිණිඅතර්ජාලයෙන් උපුටා ගැනීමකි
පිළිකා වලට භය ද? මෙන්න එහෙ නම් පිළිකා නසන දිවුල් වලින් විස්මිත ඖෂධ රැසක්.
දිවුල් කියන්නේ අපි ගොඩක් ආස කරන රසවත් පලතුරක්. හොඳ පලතුරු පානයක්. පූජාවකට පලතුරු වට්ටියක් සකස් කළොත් එයට අනිවාර්යයෙන්ම දිවුල් ගෙඩියකුත් තැන්පත් කරන්න අපේ උදවිය අමතක කරන්නෙ නෑ. ඒ තරමටම දිවුල් අපට සමීපයි. ඒකට එක් හේතුවක් තමයි මේ පලතුරටම ආවේණික සුගන්ධවත් බව. දිවුල් සුවඳ දැනුණත් එහි රසය වින්දා හා සමානයි.
ඉන්දියාව, පාකිස්තානය, ලංකාව වැනි රටවල වියළි කලාපයේ හටගන්න දිවුල් රසවත් පලතුරක්ම විතරක් නෙවෙයි. අපේ දේශීය ආයුර්වේද වෛද්‍ය විද්‍යාවට අනුව දිවුල් කියන්නේ වටිනා ඖෂධයක්. රෝග රැසකට ගුණ දෙන රෝග රැසකට සුවය සලසන තවත් එක් පලතුරක් ලෙස දිවුල් හඳුන්වන්න පුළුවන්. දේශීය ආයුර්වේදයට අනුව අතීත ග්‍රන්ථවලත් මේ දිවුල් ශාකයේ පවතින ඖෂධීය ගුණ පිළිබඳව සඳහන් වෙනවා. දිවුල් මල්, ගෙඩි, කොළ, පොතු, මුල් කියන සෑම අංගයක්ම දේශීය ආයුර්වේදයේදී ලෙඩ රෝග සුව කරන්න ඖෂධ පිණිස ගන්නවා.
දිවුල් කියන්නේ වඳුරන් වැඩි වශයෙන් ප්‍රිය කරන පලතුරක්. ඒ නිසාම මේ පලතුර ඉපැරැණි ආයුර්වේද ග්‍රන්ථවල කපිත්ත කියලත් හඳුන්වනවා. සවිමත් කටුවක් ඇති ගෙඩි නිසා දැඩි ඵල කියලත්, දැඩි සුවඳකින් සමන්විත නිසා ගන්ධ ඵල කියලත් හඳුන්වනවා. දිවුල් ඵලයටම ආවේණික සුගන්ධවත් බවක් එහි තිඛෙන්නේ සුවිශේෂ රසායනික සංඝටක බහුල නිසයි. කැල්සියම්, යකඩ වගේ ඛනිජ වර්ග වගේම විටමින් Aල ඊ වගේ පෝෂ්‍ය පදාර්ථ මෙහි අන්තර්ගතයි. කාබෝහයිට්ඩ්‍රේට් ප්‍රෝටීන් බහුල පලතුරක් කියලත් දිවුල් හඳුන්වන්න පුළුවන්. ඖෂධ පිණිස ගෙඩි ගැනීමේදී ඉදුණු, අමු සෑම වර්ගයක්ම භාවිත කරන්න පුළුවන්.
වඳ බව නසන දිවුල් ඛෙහෙත
ඉඳුණු දිවුල් ගෙඩියක් අරගෙන හොඳින් සූරා එහි මදය ගෙන එයට මීපැණි ස්වල්පයක් හා සූදූරු ස්වල්පයක් මිශ්ර කර හොඳින් තළා ගන්න. ඉන්පසු ඒ උකු ද්‍රාවණය දිනපතා උදෑසන ආහාරයට ගන්න. මෙය අපහසුවකින් තොරව දිනපතා උදෑසන තමන්ටම සාදාගන්න පුළුවන් ඖෂධයක්. දෛනිකව මෙය ආහාරයට ගත්තොත් කාන්තා පිරිමි දෙපාර්ශ්වයටම වඳභාවය දුරු කරන්න මෙය ඉතාමත්ම ගුණදායකයි.
අතීසාරයට දිවුල්
අතීසාරය, බඩ බුරුලෙන් යෑම වැනි රෝග නිසා බොහෝ දෙනෙක් පීඩා විඳිනවා. නමුත් ඒ අපහසුතාව තවදුරටත් තබා ගන්න ඕන නෑ. එයට සුවය දෙන ඖෂධයක් දිවුල්වලින් සාදා ගන්න හැටි මම කියන්නම්, ඉදුණු දිවුල් ගෙඩියක මද අරගෙන ඇට ඉවත්කර ගන්න. ඉන්පසු එයට සීනි ස්වල්පයක් මිශ්ර කර දිනපතා උදෑසන ආහාරයට ගන්න. අතීසාරය වැනි රෝග තත්ත්වයන්ට එය සුවදායක ඖෂධයක්.
අර්ශස්වලටත් දිවුල් ගුණයි
ඒ වගේම තමයි ආහාර අජීර්ණය, අර්ශස් කියන්නෙත් සමාජයේ බහුතරයක් පිරිස් පීඩා විඳින ලෙඩ රෝග. එවන් තත්ත්වයකදී ඉදුණු දිවුල් මද අරගෙන එයට මී පැණි ස්වල්පයක් මිශ්ර කර බැදපු සූදුරු කුඩු ස්වල්පයක්, එනසාල් ස්වල්පයක් මිශ්ර කර ආහාරයට ගන්න. අර්ශස් සහ අජීර්ණය සුවයට එය හොඳයි.
කුඩා දරුවන්ට අජීර්ණයට ද දිවුල්වලින් ඔසුවක්
කුඩා දරුවන්ට නිතරම වැලඬෙන රෝගයක් තමයි අජීර්ණය. එවන් අවස්ථාවක ළපටි දිවුල් කොළ ටිකක් අරගෙන හොඳින් පිරිසුදු කර කොටා එහි යුෂ තේ හැඳි තුනක් පමණ මිරිකා ගන්න. එයට සීනි ස්වල්පයක් හෝ මී පැණි ස්වල්පයක් මිශ්ර කර දිනකට තෙවරක් බැගින් සතියක් පමණ පානය කරන්න දෙන්න.
බඩ දැවිල්ල නැති කිරීමට, ආහාර ඉක්මනින් දිරවීමට,
අක්මාව ආශ්‍රිත රෝග සුව කිරීමට අගනා පානයක් දිවුල් කොළවලින් සාදාගන්න පුළුවන්. මේක දිනපතා බොන තේ වගේ අපිට පානය කරන්න පුළුවන්. දිවුල් කොළ ගෙන මඳ පවනේ වියළා හොඳින් කුඩු කර බෝතලයකට ඒ කුඩු දමා තබා ගන්න. දිනපතා තේ ගොටුවට තේ කොළ වෙනුවට දිවුල් පත්‍ර කුඩු දමා උණු වතුරින් තම්බා එය හකුරු සමග හෝ සීනි සමඟ පානය කරන්න. මෙය ඉතාමන්ම වටිනා ඖෂධීය පානයක්. දිනපතා භාවිත කරනව නම් ගොඩක් හොඳයි.
අක්මාවේ රෝග නසන දිවුල් කොළ පානය
ඇතැම් අයට ආහාර අනුභව කළාම එය ඇලජික් වෙනවා. එහි අතුරුඵල විදියට උදරාබාධ, කැසීම වැනි තත්ත්ව හටගන්න පුළුවන්. එවන් අයට ඇලජික් නැති කරන්නත් සත්ත්ව විෂ, ආහාර විෂ ශරීරගත වූ අවස්ථාවක ශරීරයෙන් විෂ විනාශ කරන්නත් පුළුවන් ඛෙහෙතක් දිවුල්වලින් සාදාගන්න පුළුවන්. දිවුල් කොළ ඉස්ම මිලි ලීටර් 20ක් අරගෙන එයට බැදපු සූදුරු තේ හැන්දක් මිශ්ර කර දිනකට දෙවරක් බීමට උදේ සවසා දින කිහිපයක් පානය කරන්න.
දද කුෂ්ඨවලට දිවුල්
උෂ්ණ බිබිළි, ලප, කැළැල්, කුෂ්ඨ, හොරි, දද, තුවාල යන බාහිර චර්ම රෝගවලටත් දිවුල් පත්‍ර යුෂ ගුණදායකයි. එවන් අවස්ථාවක ඇල් දියෙන් අඹරා ගත් දිවුල් කොළ යුෂ ඒ තුවාල, දද, කුෂ්ඨ මත ආලේප කරන්න. මෙය සතියක් පමණ දිනපතා ආලේප කරන්න. වෙනස ඔබටම දැනේවි.
සර්ප විස නසන දිවුල් වංචාංග කැඳ
සර්ප විෂක් හරි මී විෂක් හරි ශරීර ගත වූ පුද්ගලයෙක් ඖෂධ අරගෙන එය සුවය ලැබුවත් පසු කාලීනව විවිධ අතුරු ආබාධ වැලඳීමේ අවදානමක් තිඛෙනවා. උදාහරණ විදියට ගත්තොත් මීයෙක් කෑවම පසු කාලීනව ශරීරයේ සුදු කබර වැනි රෝග වැලැඬෙනවා. එවන් විෂක් ශරීරගත වූ විට ඖෂධ ලැබූ පසු අතුරු ආබාධවලින් මිදෙන්න දිවුල්වලින් කැඳක් සාදාගන්න හැටි මම කියන්නම්. එහි තම දිවුල් පංචාංග කැඳ. දිවුල් මුල්, මල්, කොළ, පොතු ගෙඩි සියල්ලම අරගෙන ඒවා කොටා එහි යුෂ අරගෙන එකට මිශ්ර කර කැඳක් ලෙස එය සාදා සර්ප විෂට ලක්වූ පුද්ගලයාට බොන්න දෙන්න. දින තුනකට වරක් හෝ මේ කැඳ සති කිහිපයක් පානය කරනව නම් ඔබට සර්ප විෂ, මී විෂ නිසා හටගන්න අතුරු ආබාධවලින් නිට්ටාවටම සුවයක් ලබා ගන්නත් පුළුවන්. ඒවා වැලැඳීමේ අවදානම නැති කර ගන්නත් පුළුවන්.
මුත්‍රා රෝගවලට ගුණ දිවුල්
බොහෝ දෙනෙක් උදරයේ මුත්‍රා ගල් තිඛෙන නිසා උදරාබාධ, යටි බඩ කැක්කුම් වැනි රෝගවලින් වේදනා විඳිනවා. නමුත් ඒ රෝගවලින් මිදී මුත්‍රාශය ආශ්‍රිතව හටගන්නා සෑම රෝගයක්ම සුව කර ගන්න දිවුල් ගෙඩි පලතුරු පානයක් ලෙස බොන්න. කල් ගතවූ කැස්ස, ඉක්කාව වැනි රෝගවලටත් ඒ පානය ගුණයි. මේ පානය ඉන්දියාවේ නම් රාමාගේ උපත සමරන දවසට සෑම අයෙක්ම සාදාගෙන බොනවා. ඔබත් මෙය බොන්න. රෝග සුවකර ගන්න. එය සාදන්නේ මෙහෙමයි. ඉදුණු දිවුල් මද අරගෙන උක් හකුරු පැණි තේ හැඳි 2ක්, වතුර වීදුරු 2ක්, ගම්මිරිස් කුඩු ස්වල්පයක්, එනසාල්, දෙහි ඉස්ම, ලුණු අවශ්‍ය පදමට දමා හොඳින් මිශ්ර කරගන්න. ඉන්පසු සාමාන්‍ය ලෙස හෝ ශීතකරණයේ දමා හෝ පානය කරන්න. මෙය රසවත් පලතුරු පානයක් වගේම මම පෙර කී ලෙඩවලටත් ගුණයි.
ලේ පිරිසුදු කරන දිවුල්
දිවුල් කියන්නේ රුධිරය පිරිසුදු කරන අගනා ඖෂධයක්. දිවුල් මදවලින් ගත් යුෂ ස්වල්පයක් පෙරා අරගෙන එයට සීනි ස්වල්පයක්, හකුරු ස්වල්පයක් මිශ්ර කර වතුර වීදුරුවක් එයට දමා හොඳින් කලවම් කර බොන්න. දිනපතා උදෑසන සතියක් පමණ මේ පානය බොන්න. ඔබගේ රුධිරයේ විවිධ විෂ නැති කරන්නත් අහිතකර මේදය විනාශ කරන්නත් එය ඉතාම ගුණයි.
රස පිරි දිවුල් කිරි
ඉදුණු දිවුල් ගෙඩි කිහිපයක මද අරගෙන ඒවා හොඳින් පොඩිකර ගන්න. පසුව එයට අවශ්‍ය පමණට වතුර මිශ්ර කර හොඳින් කලවම් කරගෙන පෙරා ගන්න. පෙරාගෙන ඇට ඉවත් කර ගත් පසු ඒ යුෂට පොල් කිරි මිශ්ර කරගන්න. ලුණු සහ සීනි අවශ්‍ය පදමට දමා අවශ්‍ය නම් දෙහි යුෂ ස්වල්පයක් මිශ්ර කරගෙන අමුත්තාට සංග්‍රහ කරන්න. ගෙදර අයටත් මෙය වටිනා රසවත් ගුණවත් පලතුරු පානයක්.
දිරවන්නේ නැති අයට දිවුල්
සමහර අයට නොදිරවා මල පිටවීමේ අවදානමක් පවතිනවා. එවන් රෝගීන් සඳහා නිවෙසේ සිටම පානයක් දිවුල්වලින් සාදාගන්නෙ මෙහෙමයි. වියළා ගත් දිවුල් මද, වියළි ඛෙලි ගැට මද, වියළි ඇඹුල් ඇඹිලිය කොළ සහ වියළි දෙළුම් ලෙලි වෙන් වෙන්ව කුඩු කරගෙන සෑම ඖෂධයකින්ම ග්රෑම් 15 බැගින් අරගෙන මිශ්ර කර ගන්න. ඉන්පසු මුදවපු කිරි වීදුරුවක් අරගෙන ඖෂධ මිශ්‍රණය එයට දමා හොඳින් මිශ්ර කර පානය කරන්න. නොදිරවා මල පිටවීමේ රෝගය එමගින් සුව වෙනවා.
සෙමට හා කැස්සට දිවුල්
ඉදුණු දිවුල් මද ස්වල්පයක් අරගෙන වතුර වීදුරුවකට දමා පැය කිහිපයක් එය නිසොල්මනේ තබන්න. ඉන්පසු එය හොඳින් මිරිකාගෙන යුෂ පෙරා ගන්න. ඒ යුෂට මී පැණි, තිප්පිලි කුඩු ස්වල්පය බැගින් මිශ්ර කර බොන්න. සෙමට සහ කැස්සට එය ගුණයි.
දිවුල් අඩංගු ඖෂධ
දිවුල් ඖෂධය සම්පාදිත ඖෂධ රැසක් බාහිර ඖෂධහල්වල පවතිනවා. ඒ අතරින් zකපිත්තා පඨක චූර්ණයZ ඔබට භාවිත කරන්න පුළුවන් අතීසාරය, ආහාර නොදිරවා මල පිටවීම, ග්‍රහණිය ආශ්‍රිත රෝග වැනි රෝගවලින් සුව වීමට. ඒ වගේම සර්ප විෂ, මී විෂ, පත්තෑ විෂ ආදි විෂ වර්ග ශරීරගත වූ විටකදී බාහිරින් ආලේප කළ හැකි අගනා තෛලයක් ර්ණීර්ථීච් මට්ටමෙන් පවතිනවා. එහි නම සර්ව විෂාදී තෛලය.
අතර්ජාලයෙන් උපුටා ගැනීමකි
මේ විෂ සහිත පැළෑටි 10 ඔබේ ගෙවත්තේ තියෙනවා නම් ප්‍රවේසම් වන්න.
ඔබේ ගෙවත්තේ නානා විධ ශාක වර්ග තිබෙන්නට පුලුවන්. ඔබ ගෙවත්තේ අලංකාරය පිණිස වැවූ ගහවැල් වගේම ඉබේ වැවුණු ගස් වර්ගත් ඔබේ අවට පරිසරයේ ඕනෑ තරම් ඇති. ලස්සනට වැවුවත් සොබාදහම ගැන හිතලා ගහකොළ ආරක්ෂා කළත් ඔබ අවට ගහකොළ ගැන දැනුවත්කමකින් සිටින එක වටිනවා. මොකද ඔබේ දෙනෙතට අලංකාරය සහ ගතට සිසිලස ගෙන දෙන ගමන්ම ඔබට හෝ ඔබේ පවුලේ අයගේ ජීවිතයට අනතුරක් කිරීමට පවා සමත් ගස්වැල් තිබෙන නිසා. මහා ඖෂධීය ගුණ සහිත සමහර ගස් වැල් වල පවා විෂ සහිත කොටස් තිබෙනවා. ඒ නිසා මේ දේවල් ගැන සොයා දැනගැනීමට ඉතා වැදගත්.
අපේ මේ උත්සාහය ශ්‍රී ලංකාවේ දක්නට ලැබෙන එවැනිවූ විෂ සහිත ශාක වර්ග කිහිපයක් ගැන ඔබව දැනුවත් කිරීමටයි.
පහත සඳහන් ශාක වල විෂ ශරීර ගත වූ වහාම රෝගියාට වමනය කිරීමට සලස්වා හැකි ඉක්මණින් රෝහල් ගත කිරීමට වග බලාගන්න. විෂ වීමට අදාල ශාකයේ ඇට,මල් වැනි කොටස් ඇත්නම් එය රැගෙන යාමත් වැදගත් වේවි. හදිසි විෂ ශරීරගතවීමකදී ක්‍රියාකලයුතු ආකාරය දැනගැනීමට 0112686143 අංකය හරහා ජාතික විෂ තොරතුරු මධ්‍යස්ථානය අමතන්න. ශාක පමණක් නොව අන් සියලුම ආකාරයේ විෂ වීම් සම්බන්ධයෙන්ද ඔබට මේ ආයතයේ පිහිට පැතිය හැකිවෙයි.
1. හබරල වර්ග
විවිධ වර්ග වල හබරල ගස් අපේ ගෙවතු වල බහුලයි. විශේෂයෙන්ම අලකාරය උදෙසා වවන හබරල වර්ග බොහොමයක්ම තිබෙනවා. “ඩම්බ් කේන්” එහෙමත් නැතිනම් Dieffenbachia සහ එලිෆන්ට් ඉයර් (Caladium Bicolor) නමින් හඳුන්වන පැළෑටි ලංකාවේ බොහෝ ගෙවතු වල අලංකාරයට වවා තිබෙනවා දැකිය හැකියි.
මේ හබරල වර්ග වල කොළ කුඩා දරුවන්ට ඉතාම විෂ සහිතයි. සෙල්ලමට කොළයක් සැපුවොත් තොල්, දිව, කම්මුල්, උගුර ආදිය ඉදිමීම කටහඬ දුර්වල වී කතා කිරීමට අපහසු වීමටත් පුලුවන්.
විෂ විය හැකි අවස්ථා
කුඩා දරුවන් නොදැනුවත් කමින් මෙහි කොල වර්ග සැපීමෙන් මෙම විෂ ශරීරගත විය හැකියි.
2. නියඟලා
නියඟලා අලය ගැන ඇසූ පමණින් “මරණය” අපේ සිහියට නැගීම වළක්වන්න බෑ. සියදිවි හානිකරගැනීමට නියඟලා අල ආහාරයට ගන්නා අය ගැන පුවත්ද ඕනෑ තරම් ඔබ අසා ඇති. මීට අමතරව වෙනත් අල වර්ගයයි සිතා අත්වැරදීමෙන් මේ විෂ අල ආහාරයට ගැනීමෙනුත් ජීවිත හානි සිදුවනවා.
නියඟලා මුළු ශාකයම විස සහිත වුවත් වැඩිම විශ ඇත්තේ එහි අලයේයි. මෙහි විෂ ශරීරගතවී පැය කිහිපයක් ඇතුලත. බඩ රිදීම, වමනය, ලේ සහිත මළපහ පිටවීම ආදී රෝග ලක්ෂණ පහලවීමට පටන්ගන්නා අතර හෘදය,වකුගඩු,පෙනහළු ආදී ශරීරයේ ප්රධාන ඉන්ද්‍රීන් වලටද හානි පැමිණවීමට මේ විෂ සමත්.
නියඟලා මලේ අලංකාරය නිසාම ඇතැමුන් මේවා ගෙවතු අලංකරනයට යොදාගත්තත් කුඩා දරුවන් ගැවසෙන නිවෙස් වල වැවීම කොහෙත්ම සුදුසු නැහැ.
විෂ විය හැකි අවස්ථා
නියඟලා අලය හුලං කීරිය අල සමඟ වරදවා ආහාරයට එක් කරගැනීමෙන් විෂ විය හැකියි. ආහාරයට ගන්නා අල වර්ග අසල මේවා වැවී ඇත්නම් වහාම ඉවත් කරන්න.
පානීය ජලය ලබාගන්න ලිං අසල මෙම ශාකය වැවී ඇත්නම් නියඟලා මල් ජලය සමඟ මුසු වීමෙන් විෂ ශරීරගත විය හැක.
3. කනේරු
කනේරු කියන්නෙත් නියඟලා තරම්ම විෂ නිසා ප්‍රසිද්ධ ශාකයක්. එහෙම උනත් විසිතුරු මල් පැළ අලෙවිසල් වල වගේම ගෙවතුවල අලංකාරයටත් කනේරු ගස් වවා තිබෙනවා අපිට දකින්න පුලුවන්. කනේරු ශාකයේ විවිධ කොටස් විෂ සහිත වුවත් උග්‍රම විෂ සහිත වන්නේ කනේරු ඇට බව පැවසෙනවා. ලංකාවේ රෝස සහ කහ පැහැති කනේරු ගස් දක්නට ඇති අතර කනේරු ගෙඩි සහ ඇට හටගන්නේ කහපැහැති කනේරු වර්ගයේය. රෝස පැහැ කනේරු වර්ගයේත් මල් සහ කොළ විෂ සහිත වනවා.
මේවායේ ඇති “කාඩියැක් ග්ලයිකොසයිඩ්“නම් විෂ නිසා හෘදය වස්තුවේ ක්‍රියාකාරීත්වයට දැඩි ලෙස හානි වන්නටත් හුස්ම හිරිවීමෙන් මරණයට පත්වන්නටත් පුලුවන්.
විෂ විය හැකි අවස්ථා
නොදැනුවත් කමින් මෙහි ඇට කොල හෝ මල් ආහරයට ගැනීමෙන් විස විය හැකියි. පානීය ජලයට මල් එකතුවුවහොත් විෂවීමට ඉඩ ඇත.
4. ඔළිඳ
“ඔළිඳ තිබෙන්නේ කොයි කොයි දේසේ” කියල අපි ළමා කාලෙ අහපු සුන්දර කවියකුත් තිබ්බට ඔළිඳ වල අසුන්දර පැත්තකුත් තිබෙනවා. ඒ තමයි මේ ඇට සැපීමෙන් කුඩා දරුවන්ට විෂ ශරීරගත විය හැකි වීමයි. මේ විෂ ඇතිකිරීමට එක් ඔළිඳ ඇටයක් කෑම පවා සෑහෙනවා. මෙහි ඇති ඒබ්‍රින් නම් විෂ ශරීරගත වීමෙන් වමනය, මළපහ සමග රුධිරය පිටවීම ආදිය ඇතිවීමටත් දරුණුම අවස්ථාවල වකුගඩු අක්‍රියවීමත් සිදුවිය හැකියි.
විෂ විය හැකි අවස්ථා
සිත්ගන්නා සුලු පෙනුමක් සහිත මේ ඔළිඳ ඇට දරුවන් සෙල්ලම් කිරීම උදෙසාත් විවිධ අධ්‍යාපන ක්‍රියාකාරකම් සඳහාත් යොදාගන්නට ඉඩ ඇති බැවින් මේ ගැන ඔවුන් දැනුවත් කිරීම සහ ඔවුන්ගෙන් ඈත් කිරීම ඉතා වටිනවා.
5. එඬරු
එඬරු කිවුවම අපිට මතක් වෙන්නේ ඖෂධීය ගුණයකින් යුතු ශාකයක්.බෙහෙත් එඬරු සහ තෙල් එඬරු වශයෙන් එඬරු ශාකයේ දෙවර්ගයක්ම පවතිනවා. කෙසේ වෙතත් මේ එඬරු ඇට විෂ සහිත බව ඔබ මතක තබා ගත යුතුයි. ඔළිඳ තරම් විෂ නොවුවත් එඬරු ඇට වල ඇති රයිසින් නම් විෂ ශරීරගත වීමෙන් හුස්ම හිරවීම මගින් මරණයට පවා පත්විය හැකියි.
විෂ විය හැකි අවස්ථා
ඖශධීය ගුණයෙන් යුත් වුවත් දරුවන් ඇති නිවෙස් වල වැවීම අනතුරුදායක විය හැකියි. ඔවුන් නොදන්නාකමින් මෙම ඇට සැපීමෙන් විෂ ශරීරගත විය හැක.
6. ඒන්ජල්ස් ට්‍රම්පට් හෙවත් Brugmansia
උද්‍යාන අලංකාරය සඳහා යොදාගන්නා මේ මල් සහිත ශාකයද මුලුමනින්ම විස සහිත ශාකයකි. මෙහි ඇට සහ කොළ වැඩි වශයෙන් විශ සහිත වේ. විෂ ශරීරගත වීමෙන් මස්පිඩු ක්‍රියාකාරීත්වය ඇන හිටීම, පාචනය, හිසේ අමාරු වැනි රෝග ලක්ෂණද, වැඩි විෂක් ශරීරගතවීමෙන් ජීවිතක්ෂයට පත්වීමටද ඉඩ ඇත.
විෂ විය හැකි අවස්ථා
නිවෙස් වල වැවීම අනතුරුදායක විය හැකියි. නොදන්නාකමින් මෙම ඇට හෝ කොල සැපීමෙන් විෂ ශරීරගත විය හැක.
7. කැපුම් කීරිය
තුවාල වලට ප්රතිකාරයක් ලෙස භාවිතා කල හැකි නිසා මෙයට මේ නම පටබැඳී ඇත. මෙම ශාකයේ ඇති හයිඩ්‍රොසයනික් අම්ලය ශරීරගත වීමෙන් විෂ නිසා රෝගී තත්ත්වයට පත්විය හැක. බඩේ රිදීම, කරකැවිල්ල, වමනය, මළපහ පිටවීම ආදිය සිදුවිය හැකියි
.
විෂ විය හැකි අවස්ථා
කැපුම් කීරිය බාහිර පෙනුමෙන් මුකුණුවැන්න පැළැටියට සමාන නිසා වැරදීමෙන් ආහාරයට එක්වීමටත් ඉඩ ඇති හෙයින් ඉතා ප්‍රවේසම් විය යුතුය.
8. අත්තන
අත්තන කියන්නෙ ඖෂධීය ගුණය අතින් ඉතාම වටිනා ශාකයක්. ජලභීතිකා රෝගය, ඇදුම, සර්ප විෂ ආදියට පිළියම් කිරීමට අත්තන උපයෝගී කරගන්නවා.
කෙසේ වෙතත් මෙම ශාකයේ කොටස්, විශේෂයෙන්ම ඇට වැඩිපුර ශරීරගත වීම විෂ සහිත වනවා. සිහි විකල් වීම, සිහි නැතීවීම වගේම මරණය පවා කැඳවිය හැකි විෂක් බවට අත්තන ඇට පත්විය හැකියි. පිස්සු වැඩ කරන කෙනෙක් හඳුන්වන්න අපේ ජන වහරේ “අත්තන ඇට කාල වගෙයි” කියල කතාවක් හැදිල තියෙන්නෙත් ඒ මගින් සිදුවන සිහි විකල්වීමේ ගතිය නිසා වෙන්න ඇති.
විෂ විය හැකි අවස්ථා
ඖශධීය ගුණයෙන් යුත් වුවත් දරුවන් ඇති නිවෙස් වල වැවීම අනතුරුදායක විය හැකියි. ඔවුන් නොදන්නාකමින් මෙම ඇට හෝ කොල සැපීමෙන් විෂ ශරීරගත විය හැක.
9. හොඬල
හොඬල ශාකයත් දරුණු විෂ සහිත ශාකයක් වනවා. මෙහි ඇති සයනජෙනික් ග්ලයිකොසයිඩ් සහ ටොක්ස් ඇල්බියුමින් යන විෂ නිසා කැරකැවිල්ල, පාචනය, වමනය ආදී තත්ත්වයන් ඇති වනවා.
හොඬල විෂ ශරීරගතවී සති 2-3කින් අනතුරුව හෘද රෝග, අක්මාව විශාලවීම වැනි ආබාධ වලටද ලක්විය හැකියි.
විෂ විය හැකි අවස්ථා
මේ ශාකයේ ගෙඩි පැෂන් ෆෘට් ගෙඩි වලට බෙහෙවින් සමාන කම් දක්වන නිසා වැරදීමකින් කුඩා දරුවන් පැෂන් ෆෘට් යැයි සිතා මෙය ආහාරයට ගන්න පුලුවන්.
10. කදුරු වර්ග
ලංකාවේ කදුරු වර්ග තුනක් ඇත. සමහර කදුරු වර්ග වෙද හෙදකම් වලට යොදාගත්තද කදුරු විශ සහිතයි. වෙදකම් වලට යොදා ගැනීමේදී විශ නසා බාවිතයට ගැනෙයි.
දිවි කදුරු
ශාකයම විෂ සහිතයි. අත්තන වල විෂට සමාන විෂකින් යුක්ත මෙය සිහිමද ගතිය බඩ විරේක වීම, නිදිමත, නාඩි වැටීම වේගවත් වීම ආදිය සිදුවෙයි
ගොඩ කදුරු
මෙහි භයානක විෂ වර්ගයන් වන ස්ට්‍රික්නයින් සහ බෘසින් අඩංගු බැවින් අතිශයින් භයානකය. මෙහි ඇට 2,3ක් වැනි සුලු ප්‍රමාණයක් ශරීරගත වීමෙන් පවා මරණය සිදුවිය හැකිය. ස්නායු පද්ධතියට හානි වීම, ශරීර උෂ්ණත්වය ඉහලයාම, වකුගඩු අක්‍රියවීම ආදියට ලක්වීමෙන් ඉතාම වේදනාත්මක මරණයකට ගොදුරු වීමට සිදුවේ.
වෙල් කදුරු
අතීතයේ පටන් වෙස් මුහුණු සෑදීම සඳහා වඩාත්ම ප්‍රචලිත මේ වෙල් කදුරු ගසේ ලීයයි. වෙල් කදුරු ගෙඩි ඉතා විෂ සහිත වන අතර ආහාරයට ගැනීමෙන් කරකැවිල්ල, වමනය, බඩේ අමාරුව සහ පාචනය ඇතිවිය හැක.
විශ විය හැකි අවස්ථා
දරුවන් ඇති නිවෙස් වල වැවීම අනතුරුදායක විය හැකියි. ඔවුන් නොදන්නාකමින් මෙම ගෙඩි සැපීමෙන් විෂ ශරීරගත විය හැක.අතර්ජාලයෙන් උපුටා ගැනීමකි
ව්‍යාග්‍රා වල ගුණය කෝපි වලත් කෝපි බොන අයට ව්‍යාග්‍රා ඕනෙම නැහැ.
ඔයාල දන්නවද දවසට කෝපි කෝප්ප දෙකක්වත් බොන්න පුරුදු වෙලා ඉන්න අයට ලිංගික ඛෙලහීනතා ඇති වීමේ ඉඩ කඩ ඉතාමත් අඩු බව. කෝපි බොන අයටනම් මෙය ඉතා හොඳ ආරංචියක් වනවා නොඅනුමානය.
කැෆෙන් නැමැති රසායනිකය කෝපි වලත් තේ වලත් අඩංගු වන අතර කෝපි වල ඇති මේ කැෆෙන් ප්‍රමාණය තේ වලට වඩා ඉහල ප්‍රමාණයකින් යුක්ත වෙනවා. මේ ලිංගික උත්තේජනයන්ට හේතුව මේ කැෆෙන් රසායනිකයම තමයි.
ලිංගික ඛෙලහිනතා ඇති වීමේ අවදානම 42% කින් දවසකට කැෆෙන් මිලි ග්රෑම් 85 ත් 170 ත් අතර ප්‍රමාණයක් ලබාගන්නා පිරිමි අයට අඩු වන බව විද්‍යාඥයින් පවසන අතර කැෆෙන් මිලි ග්රෑම් 100ක් 140ක් අතර ප්‍රමාණයක් කෝපි කෝප්පයක අඩංගු වෙයි.
එසේම හෘද රෝග, සමේ පිළිකා තත්ත්ව වැනි බොහෝ රෝග වලට ආවරණයක් ලෙස ක්‍රියා කරන කෝපි ලිංගික ඛෙලහිනතාවය සඳහා ප්‍රධානතම හේතුවක් ලෙස සැලකෙන දියවැඩියාව සඳහාද ප්‍රතිරෝධකයක් ලෙස ක්‍රියා කරයි.
අතර්ජාලයෙන් උපුටා ගැනීමකි
